ക്രിക്കറ്റ് ഇതിഹാസം സച്ചിന്‍ തെന്‍ഡുല്‍ക്കര്‍ക്കെതിരെ ഗുരുതര ആരോപണവുമായി മുന്‍ പാകിസ്ഥാന്‍ താരം യൂനസ് ഖാന്‍ രംഗത്ത്. നഖം ഉപയോഗിച്ച് സച്ചിന്‍ പന്തില്‍ ക്രിത്യമം കാണിച്ചുവെന്നാണ് അദ്ദേഹം ആരോപിച്ചിരിക്കുന്നത്.

മത്സരത്തിനിടെ നഖം കൊണ്ട് സച്ചിന്‍ പന്തില്‍ കൃത്രിമം കാണിച്ചു. പന്തിന്റെ തിളക്കം വര്‍ദ്ധിപ്പിക്കുന്നതിനാണ് ഇത് ചെയ്‌തത്. വിവരം പുറത്തായെങ്കിലും ശക്തമായ ഒരു ക്രിക്കറ്റ് ബോര്‍ഡ് അവര്‍ക്ക് ഉണ്ടായിരുന്നതിനാല്‍ സംഭവം വിവാദമാകുകയോ സച്ചിന്‍ ശിക്ഷക്കപ്പെടുകയോ ചെയ്‌തില്ലെന്നും യൂനസ് പറഞ്ഞു.

പല മാര്‍ഗങ്ങളിലൂടെ പന്തില്‍ കൃത്രിമം നടക്കുന്നുണ്ട്. ഓസ്‌ട്രേലിയന്‍ താരങ്ങളും ഇംഗ്ലീഷ് താരങ്ങളുമാണ് ഇതിന് മുമ്പില്‍ നില്‍ക്കുന്നത്. പ്രത്യക തരത്തിലുള്ള ചൂയിംഗമോ, മിഠായിയോ ഉപയോഗിച്ചാണ് ഇരു ടീമിലെ അംഗങ്ങളും കൃത്രിമം കാണിക്കുന്നത്. ദക്ഷിണാഫ്രിക്കന്‍ ടെസ്‌റ്റ് നായകന്‍ ഡുപ്ലസിസ് സിബ്ല് കൊണ്ടാണ് ഇത് ചെയ്യുന്നതെന്നും മുന്‍ പാക് താരം ആരോപിച്ചു.

ക്രിക്കറ്റിലെ ഈ പ്രവണത എത്രയും വേഗം അവസാനിപ്പിക്കണം. അല്ലാത്ത പക്ഷം വളര്‍ന്നു വരുന്ന യുവതാഇരങ്ങളും ഇതേ പാത പിന്തുടരുമെന്നും യൂനസ് വ്യക്തമാക്കി.