പ്രധാന താള് » വാര്ത്താലോകം » വാര്ത്ത » വിദേശവാര്ത്ത » നയ്പോളിനെ എഫ് ബി ഐ കൊന്നു ! (VS Naipaul 'killed off by FBI in court footnote')
Feedback
Print
നയ്പോളിനെ എഫ് ബി ഐ കൊന്നു ! 
വാഷിംഗ്ടണ്, വ്യാഴം, 29 ഒക്ടോബര് 2009( 12:02 IST )
PRD
നൊബേല് സമ്മാനിതനായിട്ടുള്ള 77 കാരനായ നയ്പോള് ആരോഗ്യവാനായി ബ്രിട്ടണില് ഇരിക്കുമ്പോഴാണ് എഫ് ബി ഐയുടെ ഈ ദയാവധം അരങ്ങേറിയത്. കഴിഞ്ഞ ദിവസം ചിക്കാഗൊ കോടതിയില് എഫ് ബി ഐ സമര്പ്പിച്ച രേഖകളിലാണ് നയ്പോളിലെ ‘ലേറ്റ് വി എസ് നയ്പോള്. എ നൊബേല് പ്രൈസ് വിന്നിംഗ് റൈറ്റര്’ എന്ന് രേഖപ്പെടുത്തിയിരിക്കുന്നത്.
സ്പെഷല് ഏജന്റായ ലോറന്സോ ബെനഡിക്ട് സമര്പ്പിച്ച സാക്ഷ്യപത്രത്തിന്റെ അടിക്കുറിപ്പിലാണ് നയ്പോള് ജീവിച്ചിരിപ്പില്ലെന്ന് സൂചിപ്പിക്കുന്ന പരാമര്ശമുളളതെന്ന് ദ സ്മോക്കിംഗ് ഗണ് എന്ന വെബ്സൈറ്റ് വെളിപ്പെടുത്തി.
മുഹമ്മദ് നബിയെ മോശമായി ചിത്രീകരിച്ച ഡാനിഷ് പത്രത്തിന്റെ പത്രാധിപരെ വധിക്കാനുള്ള ഗൂഡാലോചന നടത്തിയ രണ്ട് ഇസ്ലാമിക ഭീകരരുടെ വിചാരണയുടെ ഭാഗമായി എഫ് ബി ഐ ചിക്കാഗോ കോടതിയില് സമര്പ്പിച്ച രേഖകളാണ് വിവാദമായിരിക്കുന്നത്.
ഈ രേഖകളുടെ ഭാഗമായി നയ്പോളിന്റെ ഭാര്യാ സഹോദരനും കഴിഞ്ഞവര്ഷം ഇസ്ലാമിക തീവ്രവാദികളാല് കൊല്ലപ്പെടുകയും ചെയ്ത മുന് പാകിസ്ഥാനി ജനറലിന്റെ വധത്തെക്കുറിച്ചു പരാമര്ശിച്ചിട്ടുണ്ട്. ഈ ഭാഗത്ത് നയ്പോളിന്റെ ഭാര്യയുടെ പേര് പരാമര്ശിക്കുന്ന ഭാഗത്താണ് വിഖ്യാത എഴുത്തുകാരനെ എഫ് ബി ഐ നിര്യാതനാക്കിയത്.