എലിമിനേഷൻ കാത്തിരുന്നവർക്ക് കൊടുത്തത് കിടിലൻ സർപ്രൈസ്; താരങ്ങളെ അമ്പരപ്പിച്ച് ബിഗ് ബോസ്

എലിമിനേഷൻ കാത്തിരുന്നവർക്ക് കൊടുത്തത് കിടിലൻ സർപ്രൈസ്; താരങ്ങളെ അമ്പരപ്പിച്ച് ബിഗ് ബോസ്

Rijisha M.| Last Modified തിങ്കള്‍, 9 ജൂലൈ 2018 (11:25 IST)
കഴിഞ്ഞ ദിവസത്തെ ബിഗ് ബോസ് എലിമിനേഷനിൽ ആര് പുറാത്തുപോകുമെന്നറിയാനായിരുന്നു എല്ലാവർക്കും ആകാംക്ഷ. പേളി മാണി, അനൂപ്, അരിസ്‌റ്റോ സുരേഷ് എന്നിവരുടെ പേരായിരുന്നു പ്രധാനമായും പറഞ്ഞുകേട്ടിരുന്നത്. എന്നാൽ എലിമിനേഷൻ പ്രതീക്ഷിച്ചിരുന്നവരിലേക്ക് പുതിയൊരു അതിഥിയെ പരിചയപ്പെടുത്തുകയായിരുന്നു ബിഗ് ബോസ്.

മോഡലായ ഷിയാസ് കരീമിനെ സ്വീകരിക്കാനായിരുന്നു താരങ്ങാളോട് ബിഗ് ബോസ് ആവശ്യപ്പെട്ടത്. ഇനി പെരുമ്പാവൂർ സ്വദേശിയായ ഈ മോഡൽ കൂടി ബിഗ് ബോസ് കുടുംബത്തിലെ അംഗമാണ്. കൂട്ടത്തിലൊരാൾ പുറാത്തേക്ക് പോകുന്നതിനായി കാത്തിരിക്കുകയായിരുന്നു എല്ലാവരും. പെട്ടി റെഡിയാക്കി മറ്റൊരാളെ യാത്രയാക്കാനായി മാനസികമായി തയ്യാറെടുക്കുകയായിരുന്നു ഓരോരുത്തരും. പ്രേക്ഷകരുടെ വോട്ടിങ്ങും മത്സരാര്‍ത്ഥികളുടെ നോമിനേഷനും പരിഗണിച്ചാണ് പുറത്തേക്ക് പോവേണ്ടയാളെ തീരുമാനിച്ചത്. എന്നാൽ രണ്ടാമെത്ത ആഴ്ചയില്‍ അപ്രതീക്ഷിത ട്വിസ്റ്റാണ് അരങ്ങേറിയത്.

എലിമിനേഷനിടയിലാണ് പുറത്തേക്ക് പോവാന്‍ സാധ്യതയുള്ളവരുടെ അഭിപ്രായം മോഹന്‍ലാല്‍ ആരാഞ്ഞത്. പുറത്തായാല്‍ വീട്ടില്‍ ചെന്ന് കൃഷിയും പശുവുമൊക്കെയായി സന്തോഷത്തോടെ കഴിയുമെന്നായിരുന്നു അനൂപിന്റെ പ്രതികരണം. അതേസമയം ഇക്കൂട്ടത്തിലൊരാളും പുറത്തുപോവരുതെന്നാണ് തന്റെ ആഗ്രഹമെന്ന് പേളി പറഞ്ഞു. എന്തായാലും എലിമിനേഷൻ കാത്തിരുന്ന സെലിബ്രിറ്റികൾക്ക് ബിഗ് ബോസ് കൊടുത്തത് കിടിലൻ സർപ്രൈസ് ആയിരുന്നു.



ഇതിനെക്കുറിച്ച് കൂടുതല്‍ വായിക്കുക :