പുതിയ മാറ്റങ്ങളുമായി റിലയന്‍സ് ജിയോ രംഗത്ത്. ആദ്യം 4ജി ഫോണുകളില്‍ മാത്രം ഉപയോഗിക്കാന്‍ സാധിച്ചിരുന്ന സിം ഇനി മുതല്‍ ബേസിക് മൊബൈല്‍ ഫോണുകളിലും ഉപയോഗിക്കാം. അതായത് ജിയോയുടെ അണ്‍ലിമിറ്റഡ് ഫ്രീ കോളുകള്‍ ഇനി മുതല്‍ ബേസിക് മൊബൈല്‍ ഫോണുകളിലും ലഭ്യമാകുമെന്ന് ചുരുക്കം.



ജിയോയിലേക്ക് കൂടുതല്‍ ഉപഭോക്താക്കളെ ആകര്‍ഷിക്കുന്നതിനും വരിക്കാരുടെ എണ്ണം 100 ദശലക്ഷമാക്കുന്നതിനുമായാണ് റിലയന്‍സ് ജിയോയുടെ പുതിയ ഈ നീക്കം. 1000 മുതല്‍ 1500 രൂപ വരെയുള്ള മൊബൈല്‍ ഫോണുകളില്‍ ജിയോ 4ജി സേവനം ഉപയോഗിക്കാന്‍ സാധിക്കും.

മുംബൈ-ബെയിസ്ഡ് ഫീച്ചര്‍ ഫോണുകള്‍ ഉടന്‍ തന്നെ വിപണിയില്‍ എത്തുമെന്നാണ് പുറത്തുവരുന്ന റിപ്പോര്‍ട്ടുകള്‍. മൂന്നു മാസത്തെ സൗജന്യ ഓഫറുകളായിരുന്നു ആദ്യം ജിയോ ഉപഭോക്താക്കള്‍ക്കു നല്‍കിയിരുന്നത്. എന്നാല്‍ സൌജന്യ ഓഫര്‍ ഇപ്പോള്‍ 2017 മാര്‍ച്ചു വരെ നീട്ടിയിട്ടുണ്ട്.