സംസ്ഥാനത്ത് സ്വര്‍ണവില ഈ മാസത്തെ ഏറ്റവും താഴ്ന്ന നിലയില്‍. 240 രൂപ കുറഞ്ഞ് ഒരു പവന്‍ സ്വര്‍ണത്തിന്റെ വില 43,240 രൂപയായി. ഗ്രാമിന് 30 രൂപയാണ് കുറഞ്ഞത്. 5405 രൂപയാണ് ഒരു ഗ്രാം സ്വര്‍ണത്തിന്റെ വില.

നാല് ദിവസത്തിനിടെ 800 രൂപയുടെ ഇടിവുണ്ടായ ശേഷം ശനിയാഴ്ച മുതല്‍ വില ഉയര്‍ന്നിരുന്നു. മൂന്ന് ദിവസത്തിനിടെ 200 രൂപ വര്‍ധിച്ച ശേഷം രണ്ടുദിവസം മാറ്റമില്ലാതെ തുടര്‍ന്ന സ്വര്‍ണവിലയാണ് ഇന്ന് താഴ്ന്നത്. ഈ മാസം രണ്ടിന് രേഖപ്പെടുത്തിയ 44,800 രൂപയാണ് ഈ മാസത്തെ ഏറ്റവും ഉയര്‍ന്ന സ്വര്‍ണവില. മൂന്നാഴ്ച്ചക്കിടെ ഏകദേശം 1500 രൂപയാണ് സ്വര്‍ണവിലയില്‍ കുറവുണ്ടായത്.