ഹാര്‍ലി-ഡേവിഡ്‌സണ്‍ സ്ട്രീറ്റ് 750 ശക്തനായ എതിരാളി; കവാസാക്കി വള്‍ക്കന്‍ എസ് 650 വിപണിയിലേക്ക്

തിങ്കള്‍, 1 ജനുവരി 2018 (12:38 IST)

Kawasaki Vulcan S , bike , Kawasaki , Vulcan S , കവാസാക്കി വള്‍ക്കന്‍ എസ് 650 , കവാസാക്കി , വള്‍ക്കന്‍ എസ് 650

തങ്ങളുടെ ആദ്യ ക്രൂയിസര്‍ ബൈക്കുമായി കാവാസാക്കി ഇന്ത്യയില്‍. കവാസാക്കി വള്‍ക്കന്‍ എസ് എന്നപേരിലാണ് ബൈക്ക് ഇന്ത്യയി അവതരിപ്പിച്ചത്. വള്‍ക്കന്‍ എസിനുള്ള ബുക്കിങ്ങ് കമ്പനി ആരംഭിച്ചെങ്കിലും വരുന്ന ഓട്ടോ എക്‌സ്‌പോയ്ക്ക് ശേഷമായിരിക്കും 5.44 ലക്ഷം രൂപ വിലയുള്ള ഈ മോഡലിന്റെ വിതരണം ആരംഭിക്കുക എന്നാണ് റിപ്പോര്‍ട്ട്. 
 
ഫ്‌ളാറ്റ് എബണി നിറത്തില്‍ മാത്രമാണ് പുതിയ വള്‍ക്കന്‍ എസ് എത്തുന്നത്. 649 സിസി ലിക്വിഡ്-കൂള്‍ഡ്, പാരലല്‍-ട്വിന്‍ എഞ്ചിനാണ് ഈ ബൈക്കിന് കരുത്തേകുന്നത്. 7,500 ആര്‍പി‌എമ്മില്‍ 60ബി‌എച്ച്‌പി കരുത്തും 6,600 ആര്‍പി‌എമ്മില്‍ 63 എന്‍‌എം ടോര്‍ക്കും ഉത്പാദിപ്പിക്കുന്ന എഞ്ചിനില്‍ ആറ് സ്പീഡ് ഗിയര്‍ബോക്‌സാണ് ഇടംപിടിക്കുന്നത്.
 
വള്‍ക്കന്‍ എസിന് നല്‍കിയ അലോയ് വീലുകളും ഓഫ്-സെറ്റ് റിയര്‍ മോണോഷോക്കും മോഡലിന് ഒരു സ്‌പോര്‍ടി പരിവേഷമാണ് നല്‍കുന്നത്. താഴ്ന്നിറങ്ങിയ ആകാരത്തിലാണ് കവാസാക്കി വള്‍ക്കന്‍ എസിന്റെ വരവ്. ഉയരത്തിന് അനുസരിച്ച് വള്‍ക്കന്‍ എസിന്റെ ഫൂട്ട്‌പെഗുകളും ഹാന്‍ഡിലും സീറ്റും ക്രമീകരിക്കാന്‍ സാധിക്കും. എര്‍ഗോ ഫിറ്റെന്നാണ് ഈ ഫീച്ചറിന് കവാസാക്കി നല്‍കിയിരിക്കുന്ന പേര്. 
 
എബിഎസ് സ്റ്റാന്‍ഡേര്‍ഡ് ഫീച്ചറാണ് വള്‍ക്കന്‍ എസില്‍ നല്‍കിയിരിക്കുന്നത്. 14 ലിറ്ററാണ് ഈ കരുത്തന്റെ ഇന്ധനശേഷി. ദീര്‍ഘദൂര റൈഡുകള്‍ക്ക് ഇത് ഏറെ അനുയോജ്യമാണെന്ന് കമ്പനി പറയുന്നു. വരാനിരിക്കുന്ന റോയല്‍ എന്‍ഫീല്‍ഡ് ഇന്റര്‍സെപ്റ്റര്‍ 650, ഹാര്‍ലി-ഡേവിഡ്‌സണ്‍ സ്ട്രീറ്റ് 750, കോണ്‍ടിനന്റല്‍ ജിടി 650 എന്നിവരാകും വിപണിയില്‍ കവാസാക്കി വള്‍ക്കന്‍ എസിന്റെ പ്രധാന എതിരാളികള്‍.



ഇതിനെക്കുറിച്ച് കൂടുതല്‍ വായിക്കുക :  

ധനകാര്യം

news

കാത്തിരിപ്പിന് വിരാമം; തകര്‍പ്പന്‍ ഫീച്ചറുകളുമായി നോക്കിയ വണ്‍ ആന്‍ഡ്രോയ്ഡ് ഒറിയോ ഗൊ എത്തുന്നു !

നോക്കിയയുടെ ആദ്യ ആന്‍ഡ്രോയിഡ് ഫോണ്‍ 2018 മാര്‍ച്ചില്‍ വിപണിയിലേക്കെത്തുന്നു. തകര്‍പ്പന്‍ ...

news

നഷ്ടപ്രതാപം വീണ്ടെടുക്കാന്‍ പുത്തന്‍ നിറപ്പകിട്ടില്‍ 2018 ബജാജ് ഡോമിനാര്‍ 400 വിപണിയിലേക്ക് !

പുതുവര്‍ഷത്തെ വരവേല്‍ക്കാന്‍ പുതിയ മോഡലുകളെ അണിനിരത്തി ഇന്ത്യന്‍ നിര്‍മ്മാതാക്കളായ ബജാജ്. ...

news

അടുക്കളയ്ക്ക് തല്‍ക്കാലാശ്വാസം നല്‍കി കേന്ദ്രസര്‍ക്കാര്‍; പാചക വാതകത്തിന്റെ പ്രതിമാസ വിലവര്‍ധന നിര്‍ത്തലാക്കുന്നു

അടുക്കളയിലെ ബഡ്ജറ്റിന് തല്‍ക്കാലാശ്വാസം നല്‍കി കേന്ദ്രസര്‍ക്കാര്‍. പാചക വാതകത്തിന്റെ ...

news

അമ്പരപ്പിക്കുന്ന ഫീച്ചറുകളുമായി ഫോക്‌സ്‌വാഗണ്‍ പോളോ ഹൈലൈന്‍ പ്ലസ് ഇന്ത്യയില്‍

ഫോക്‌സ്‌വാഗണ്‍ പോളോ ഹൈലൈന്‍ പ്ലസ് ഇന്ത്യന്‍ വിപണിയിലെത്തി. പോളോയുടെ പഴയ ഹാച്ച് ബാക്കിനെ ...

Widgets Magazine