സ്ത്രീകള്‍ക്ക് മാത്രമായുള്ള പ്രൈവറ്റ് റീചാര്‍ജ് പദ്ധതിയുമായി വോഡഫോണ്‍ രംഗത്ത്. തങ്ങളുടെ മൊബൈല്‍ നമ്പര്‍ കടയുടമയ്ക്ക് നല്‍കാതെ തന്നെ റീചാര്‍ജ് ചെയ്യാന്‍ സാധിക്കുന്ന തരത്തിലുള്ള വോഡഫോണ്‍ ‘സഖി’ എന്ന പുതിയ സംവിധാനമാണ് കമ്പനി ഇപ്പോള്‍ അവതരിപ്പിച്ചിരിക്കുന്നത്.

ഈ സേവനം ലഭിക്കണമെങ്കില്‍ പ്രൈവറ്റ് (PRIVATE) എന്ന് ടൈപ്പ് ചെയ്ത് 12604 എന്ന നമ്പറിലേക്ക് എസ്എംഎസ് അയക്കണം. അപ്പോള്‍ ഒരു ഒടിപി ലഭിക്കും. 24 മണിക്കൂറിനകം ഈ ഒടിപി കടയുടമയ്ക്ക് നല്‍കുക വഴി നിങ്ങള്‍ക്ക് റീചാര്‍ജ് ചെയ്യാനും സാധിക്കും.

വോഡഫോണ്‍ ‘സഖി’ സ്ത്രീകള്‍ക്കായി ഒരുപാട് ഓഫറുകളും നല്‍കുന്നുണ്ട്. 52 രൂപയ്ക്ക് 50എംബി 2G/3G ഡേറ്റയും 42 മിനിറ്റ് ടോക്ക്‌ടൈം, കൂടാതെ 78 രൂപാ പായ്ക്ക് ചെയ്യുന്നവര്‍ക്ക് 62 മിനിറ്റ് ടോക്ക്‌ടൈം 50 എംബി ഡേറ്റയും ലഭ്യമാകുന്നു. 30 ദിവസത്തേക്കായിരിക്കും ഇതിന്റെ വാലിഡിറ്റി.