റോം: മാസ്റ്റേഴ്സ് ടെന്നീസിന്റെ മൂന്നാം റൗണ്ടില്‍ മുന്‍ ലോക ഒന്നാം നമ്പര്‍ റോജര് ഫെഡറര് റോം പുറത്ത്. എന്നാല്‍ റാഫേല്‍ നദാല്‍, നൊവക് യോകോവിച്ച് എന്നിവര്‍ ക്വാര്‍ട്ടറില്‍ കടന്നു. ഫ്രാന്‍സിന്റെ റിച്ചാര്‍ഡ് ഗാസ്ക്വെറ്റിനോടാ‍ണ് ഫെഡറര് തോറ്റത്. ആദ്യ സെറ്റ് 6-4ന് സ്വന്തമാക്കിയെങ്കിലും പിന്നീടുള്ള സെറ്റുകള്‍ ഫെഡറര് 2-7, 4-7ന് അടിയറവച്ചു. ഈ വര്‍ഷം ഇതാദ്യമായാണ് സ്വിസ് താരമായ റോജര് ഫെഡറര് ഒരു ടൂര്‍ണമെന്റിന്റെ ക്വാര്‍ട്ടര്‍ഫൈനല്‍ കാണാതെ മടങ്ങുന്നത്.
ജയപരമ്പര തുടരുന്ന യോകോവിച്ച് 6-4, 6-1ന് സ്വിസ് താരം സ്റ്റാനിസ്ലാവ് വാര്‍വിങ്കയെ തോല്‍പ്പിച്ചു. സെര്‍ബിയന്‍ താരം ജയം നേടുന്ന തുടര്‍ച്ചയായ മുപ്പത്തിനാലാം മത്സരമാണിത്. സ്പാനിഷ് താരം നദാല്‍ 6-4, 6-2ന് നാട്ടുകാരനായ ഫെലിഷിയാനോ ലോപസിനെ മറികടന്നു. ആന്‍ഡി മറേ, റോബിന്‍ സോഡലിംഗ്, തോമസ് ബെര്‍ഡിഷ്, മാരിന്‍ സിലിച്ച് എന്നിവരും അവസാന എട്ടില്‍ ഇടംപിടിച്ചു.
