സജിത്ത്|
Last Modified ബുധന്‍, 27 ജൂലൈ 2016 (17:11 IST)
കാല്‍മുട്ടിനേറ്റ പരുക്കിനെ തുടര്‍ന്ന് ടെന്നിസ് ഇതിഹാസ താരം റോജര്‍ ഫെഡറര്‍ റിയോ ഒളിമ്പിക്‌സില്‍ നിന്ന് പിന്‍വാങ്ങി. ഇതോടെ ഒരു ഒളിമ്പിക്‌സ് സ്വര്‍ണമെന്ന നേട്ടത്തിനായുള്ള ഫെഡററുടെ കാത്തിരിപ്പ് ഇനിയും നീളാനാണ് സാധ്യത.
തന്റെ ഫേസ്‌ബുക്ക് പേജിലൂടെയാണ് ഈ വര്‍ഷം ഇനി കളിക്കളത്തിലേക്ക് ഇല്ലെന്ന് ഫെഡറര്‍ വ്യക്തമാക്കിയത്.
സ്വപ്‌നസമാനമായ ടെന്നീസ് കരിയറില്‍ ഫെഡറര്‍ക്ക് ഇതുവരെ ഒളിമ്പിക്‌സ് സ്വര്‍ണം നേടാന്‍ കഴിഞ്ഞിട്ടില്ല. 2012 ലെ ലണ്ടന്‍ ഒളിമ്പിക്‌സില്‍ ഫൈനലില്‍ എത്തിയെങ്കിലും ആന്റി മറെയോട് തോറ്റിരുന്നു.
ഈ വര്‍ഷം ഫെബ്രുവരിയില്‍ കാല്‍മുട്ടിലെ ശസ്ത്രക്രിയയെ തുടര്‍ന്ന് ഫ്രഞ്ച് ഓപ്പണില്‍ നിന്നും ഫെഡറര്‍ വിട്ടു നിന്നിരുന്നു. സ്വിറ്റ്‌സര്‍ലന്റിനെ പ്രതിനിധീകരിച്ച് മത്സരിക്കാന്‍ കഴിയാത്തതില്‍ കടുത്ത നിരാശയുണ്ടെന്നും ഈ വര്‍ഷം വിശ്രമത്തിനായി മാറ്റിവെക്കേണ്ട സാഹചര്യമാണെന്നും ഫെഡറര്‍ വ്യക്തമാക്കി.
