മനുഷ്യന് സങ്കല്‍പിക്കാവുന്നവിധം ദൈവത്തിനു രൂപമില്ല, കാഴ്ചയ്ക്കും കേള്‍വിക്കും സ്പര്‍ശനത്തിനും ഗന്ധത്തിനും രുചിക്കുമപ്പുറത്തെ സത്യമാണ് അനുഭവമാണ് അല്ലാഹു.ഇന്ദ്രിയഗോചരമല്ലെങ്കിലും അല്ലാഹു യാഥാര്‍ഥ്യമാണ്.
അവന്‍ എന്നാണ് വിളിക്കുന്നതെങ്കിലും ദൈവത്തിനു ലിംഗഭേദമില്ല .മനുഷ്യന്‍റെ പ്രാപഞ്ചികമായ ഇത്ത്രം സങ്കല്പങ്ങല്‍ക്ക് അതീതനാണ് ദൈവം.ഏകനായ അല്ലാഹുവില്‍ അടിയുറച്ചുള്ള വിശ്വാസമാണ് തൗഹീദ്.
പ്രപഞ്ചവും അതിലെ സര്‍വസ്വവും തനിയെ ഉണ്ടായതല്ല ദൈവം സൃഷ്ടിച്ചതാണ് എന്നാണ് ഇസ്ലാമിക വിശ്വാസം എല്ലാറ്റിനെയും സൃഷ്ടിച്ചതിനു പിന്നില്‍ ഒരു അദൃശ്യ ശക്തിയുണ്ട് സ്രഷ്ടാവ് മാത്രമല്ല, അല്ലാഹു ലോകത്തിന്‍റെ നിയന്ത്രകനും പരിപാലകനുമാണ്.
ദൈവേച്ഛയില്ലാതെ ഭൂമിയില്‍ ഒരു ഇല പോലും അനങ്ങുന്നില്ല. ഒരു ജീവിയും ജനിക്കുന്നില്ല. ഒരു ചെടിയും വളരുന്നില്ല, ഒരുകാര്യവും നടക്കുന്നില്ല. ആരും ഒന്നും ചെയ്യുന്നില്ല
ഏകദൈവ വിശ്വാസത്തിന്‍റെ മാര്‍ഗ്ഗം വിശുദ്ധ ഖുര്‍ആനില്‍ പലയിടത്തായി പ്രതിപാദിച്ചിട്ടുണ്ട്. അധ്യായം 112ല്‍ ഇങ്ങനെ പറയുന്നു: :“പ്രഖ്യാപിക്കുക, അവന്‍ അല്ലാഹുവാകുന്നു. ഏകന്‍. അല്ലാഹു ആരുടെയും ആശ്രയം ആവശ്യമില്ലാത്തവനും എല്ലാവരാലും ആശ്രയിക്കപ്പെടുന്നവനുമാകുന്നു. അവനു സന്തതികളില്ല. അവന്‍ ആരുടെയും സന്താനവുമല്ല. അവനു തുല്യനായി ലോകത്ത് ആരുമില്ല“.
