പീഡനക്കേസിൽ പ്രതിയായ സമാജ്​വാദി പാർട്ടി നേതാവ്​ ഗായത്രി പ്രജാപതിക്ക്​ ജാമ്യം നൽകിയ സെഷൻസ്​ കോടതി ജഡ്​ജിക്ക്​ സസ്​പെൻഷൻ. സസ്​പെൻഷന് പുറമേ ജഡ്​ജിക്കെതിരെ വകുപ്പുതല അന്വേഷണത്തിനും ഉത്തരവിട്ടിട്ടുണ്ട്​. അലഹബാദ്​ ഹൈകോടതി ഭരണസമിതിയാണ്​ ജഡ്​ജിയെ സസ്​പെൻറ്​ ചെയ്യാനുള്ള തീരുമാനത്തിലെത്തിയത്.

​ ഉത്തർപ്രദേശ്​ മു​ൻ മന്ത്രി ഗായത്രി പ്രജാപതിയെ അറസ്റ്റ് ചെയ്തത്
മാർച്ച്​ 15നാണ്. 2014 ഒക്​ടോബർ മുതൽ 2016 ജൂലൈ വരെ കൂട്ട ബലാത്​സംഗത്തിനിരയാക്കിയെന്ന്​ യുവതിയുടെ പരാതിയെ തുടര്‍ന്നാണ് ഈ അറസ്റ്റ് ഉണ്ടായത്.
തന്റെ കുഞ്ഞിനെയും പീഡിപ്പിക്കാൻ ശ്രമിച്ചപ്പോഴാണ്​ നടപടി എടുക്കണ​മെന്ന് യുവതി പരാതി നല്‍കിയത്. തുടര്‍ന്ന് ഫെബ്രുവരി 17നാണ്​ പ്രജാപതിക്കെതിരെ കേസ്​ രജിസ്​റ്റർ ചെയ്തു.

എന്നാല്‍ ജുഡീഷ്യൽ കസ്​റ്റഡിയിലായിരുന്ന ​പ്രജാപതി കുറ്റങ്ങൾ സമ്മതിച്ചിരുന്നില്ല.
ഇത് ​രാഷ്​ട്രീയ പ്രേരിതമായ കേസാണ്. നുണ പരിശോധനക്ക്​ വിധേയനാക്കണമെന്ന് പ്രജാപതി ആവശ്യ​പ്പെട്ടിരുന്നു. അതേസമയം നേരത്തെ ഈ കേസുമായി ബന്ധപ്പെട്ട് പ്രജാപതിക്കെതിരെ ജാമ്യമില്ലാ വകുപ്പ്​ പ്രകാരം അറസ്റ്റ് വാറൻറ്​​ പുറപ്പെടുവിക്കുകയും ലുക്ക് ഔട്ട് നോട്ടീസും ഇറക്കുകയും ചെയ്തിരുന്നു.