ഇനി വരാന്‍ പോകുന്നത് എന് ഡി എ സര്‍ക്കാര്‍ ആണെന്ന് ബി ജെ പി. പാര്‍ട്ടി ജനറല്‍ സെക്രട്ടറി ധര്‍മേന്ദ്ര പ്രധാന്‍ ആണ് ഇങ്ങനെ പ്രസ്താവിച്ചത്. ഇന്ത്യ ഏത് നിമിഷവും ഒരു തെരഞ്ഞെടുപ്പിനെ നേരിടേണ്ടി വരുമെന്ന സാഹചര്യമാണ് നിലനില്‍ക്കുന്നതെന്നും ധര്‍മ്മേന്ദ്ര പ്രധാന്‍ പറഞ്ഞു.
യു പി എ സര്‍ക്കാര്‍ ഇപ്പോള്‍ കോമ സ്റ്റേജിലാണ്. ജനങ്ങള്‍ ബി ജെ പിയെയാണ് ഉറ്റുനോക്കുന്നത്. ഉടന്‍ രാജ്യം ഒരു തെരഞ്ഞെടുപ്പിലേക്ക് വരും. ബി ജെ പിയുടെ നേതൃത്വത്തില്‍ എന് ഡി എ ആണ് ഇനി അധികാരത്തില്‍ വരാന്‍ പോകുന്നത് - പ്രധാന്‍ പറഞ്ഞു.
ഡി എം കെ മുന്നണിബന്ധം ഉപേക്ഷിച്ചതിന് ശേഷം നൂല്‍പ്പാലത്തിലൂടെയാണ് യു പി എ സര്‍ക്കാര്‍ മുന്നോട്ടുപോകുന്നത്. സമാജ്‌വാദി പാര്‍ട്ടിയുടെ നിലപാട് അനുസരിച്ചായിരിക്കും യു പി എ സര്‍ക്കാര്‍ കാലാവധി തികയ്ക്കുമോ എന്ന കാര്യത്തില്‍ തീരുമാനമാകുക.
