കാറില്‍ സഞ്ചരിച്ച യുവതിയെ പിന്നാലെ എത്തി ശല്യപ്പെടുത്തിയ ബിജെപി നേതാവിന്റെ മകനും കൂട്ടുകാരനും അറസ്റ്റില്‍. ബിജെപി ഹരിയാന അധ്യക്ഷന്‍ സുഭാഷ് ബരാലയുടെ മകന്‍ വികാസ് ബരാല (23), സുഹൃത്ത് ആഷിഷ് കുമാര്‍ (22) എന്നിവരാണ് പിടിയിലായത്.

മദ്യലഹരിയിലായിരു വികാസും സുഹൃത്തും കാറില്‍ സഞ്ചരിച്ച യുവതിയെ പിന്തുടര്‍ന്ന് ശല്ല്യപ്പെടുത്തുകയായിരുന്നു. മറ്റൊരു കാറില്‍ പിന്നാലെ എത്തിയ പ്രതികള്‍ മോശം വാക്കുകള്‍ക്കൊപ്പം ആംഗ്യങ്ങളും കാണിക്കാന്‍ തുടങ്ങിയതോടെ യുവതി
കണ്‍ട്രോള്‍ റൂമില്‍ വിളിച്ച് യുവതി പരാതി നല്‍കുകയായിരുന്നു.

വൈദ്യപരിശോധനയില്‍ പ്രതികള്‍ മദ്യപിച്ചിരുന്നതായി സ്ഥിരീകരിച്ചു. ബിയര്‍ കഴിച്ചതിന്റെ ലഹരിയിലായിരുന്നു യുവാക്കളെന്ന് പൊലീസ് വ്യക്തമാക്കി. നിയമ ബിരുദധാരിയാണ് വികാസ്. സുഹൃത്ത് ആഷിഷ് നിയമവിദ്യാര്‍ത്ഥിയുമാണ്.

ഐപിസി സെക്ഷന്‍ 354ഡി അനുസരിച്ചാണ് ഇരുവര്‍ക്കുമെതിരെ കേസെടുത്തിരിക്കുന്നതെന്ന് പോലീസ് അറിയിച്ചു. സിആര്‍പിസി 164 പരാതിക്കാരിയുടെ രഹസ്യമൊഴി രേഖപ്പെടുത്തിയിട്ടുണ്ട്.