വഴങ്ങിയില്ലെങ്കിൽ ജോലി തെറിപ്പിക്കുമെന്ന് ഭീഷണി, ഡൽഹിയിൽ മലയാളി മാധ്യമപ്രവർത്തകയെ പീഡനത്തിനിരയാക്കി

വഴങ്ങിയില്ലെങ്കിൽ ജോലി തെറിപ്പിക്കുമെന്ന് ഭീഷണി, ഡൽഹിയിൽ മലയാളി മാധ്യമപ്രവർത്തകയെ പീഡനത്തിനിരയാക്കി

Rijisha M.| Last Modified ചൊവ്വ, 4 ഡിസം‌ബര്‍ 2018 (11:58 IST)
ഡൽഹിയിൽ മലയാളി മാധ്യമപ്രവർത്തകയെ ഭീഷണിപ്പെടുത്തി പീഡനത്തിനിരയാക്കി. മീടൂ ആരോപണങ്ങൾ പോലെയുള്ള ക്യാ‌മ്പെയ്‌ൻ രംഗത്തുള്ള സാഹചര്യത്തിലാണ് പൊലീസിൽ പരാതി നൽകിക്കൊണ്ട് ഒരാൾ കൂടി രംഗത്തെത്തിയിരിക്കുന്നത്. സംഭവത്തേത്തുടർന്ന് ചാനൽ മേധാവിയായ രാഹുൽ സുരിയെ പൊലീസ് അറസ്‌റ്റ് ചെയ്‌തു.

ഡല്‍ഹി ആസ്ഥാനമായ സ്വകാര്യ ചാനലിന്റെ മേധാവിയാണ് രാഹുല്‍ സുരി. ഇതേ ചാനലിലെ മാധ്യമപ്രവര്‍ത്തകയെ ഒന്നിലധികം തവണ പീഡിപ്പിച്ചെന്ന പരാതിയില്‍ പഞ്ചാബിബേഗ് പോലീസാണ് രാഹുലിനെ അറസ്റ്റ് ചെയ്തത്.

രാഹുല്‍ രണ്ടുമൂന്നുതവണ ലൈംഗികമായി ചൂഷണം ചെയ്‌തെന്നും വീണ്ടും പീഡിപ്പിക്കാന്‍ ശ്രമിച്ചപ്പോള്‍ എതിര്‍ത്തെന്നും യുവതി മൊഴി നല്‍കി. എതിര്‍ത്തതോടെ ഭീഷണിയായി. ഇതോടെയാണു പോലീസിനെ സമീപിച്ചത്. വഴങ്ങിയില്ലെങ്കില്‍ ജോലി തെറിപ്പിക്കുമെന്നായിരുന്നു ഭീഷണി.

പരാതിക്കാരിയായ യുവതി ഭര്‍ത്താവിനൊപ്പം ഡല്‍ഹിയിലാണ് താമസിക്കുന്നത്. വൈദ്യപരിശോധനയില്‍ ഇവര്‍ ബലാത്സംഗത്തിനിരയായെന്നു വ്യക്തമായതായി പോലീസ് അറിയിച്ചു.



ഇതിനെക്കുറിച്ച് കൂടുതല്‍ വായിക്കുക :