ബി ജെ പി ദേശീയ അധ്യക്ഷൻ അമിത്​ഷായെ രൂക്ഷമായി വിമർശിച്ച് ഡൽഹി മുഖ്യമന്ത്രി അരവിന്ദ്​ കെജ്രിവാൾ. അമിത്​ ഷാ രാജ്യദ്രോഹിയാണെന്ന് അദ്ദേഹം കുറ്റപ്പെടുത്തി. കോൺഗ്രസും ബി.ജെ.പിയും ഭാര്യ- ഭർത്താക്കാന്‍ പോലെയാണ്​. അവർ രണ്ടു പേരും ​ഐക്യത്തോട്​ കൂടിയാണ്​ കഴിയുന്നതെന്നും 2017 ലെ തെരഞ്ഞെടുപ്പി​ന്റെ ഭാഗമായി നടത്തിയ പ്രചരണത്തിൽ സംസാരിക്കവേ കെജ്രിവാൾ ആരോപിച്ചു.

അതേസമയം പ​ട്ടേൽ സമുദായ നേതാവ് പ​ട്ടേൽ രാജ്യസ്​നേഹിയാണെന്നും കെജ്രിവാൾ പറഞ്ഞു. ​ഗുജറാത്തിൽ പാട്ടിദാർ സമുദായത്തെ വേട്ടയാടുകയാണ്​. അവർ ഭീകരവാദികളല്ല. ഇന്ത്യയുടെ ഭാഗമാണ് ഇവരെന്നും ചൂണ്ടിക്കാട്ടി. പാട്ടിദാർ സമുദായത്തിൽ പെട്ട 14 യുവാക്കൾ പൊലീസ്​ അക്രമണത്തിൽ കൊല്ലപ്പെട്ടതിനു പിന്നില്‍ ആരാണെന്ന്​ എല്ലാവർക്കും അറിയാമെന്നും അദ്ദേഹം പറഞ്ഞു.