സൂറത്ത്|
JOYS JOY|
Last Modified ഞായര്‍, 21 ഫെബ്രുവരി 2016 (11:46 IST)
ജയിലില്‍ നിരാഹാരസമരം അനുഷ്‌ഠിച്ച പട്ടേല്‍ സമരനായകന്‍ ഹാര്‍ദിക് പട്ടേലിന്റെ
ആരോഗ്യനില വഷളായി. ആരോഗ്യനില മോശമായതിനെ തുടര്‍ന്ന് ഹാര്‍ദികിനെ ആശുപത്രിയിലേക്ക് മാറ്റി. മൂന്നുദിവസം മുമ്പായിരുന്നു ഹാര്‍ദിക് പട്ടേല്‍ നിരാഹാരസമരം ആരംഭിച്ചത്.
പട്ടേല്‍ സമരത്തിലൂടെ ദേശീയതലത്തില്‍ ഉയര്‍ന്നു വന്ന ഹാര്‍ദിക് പട്ടേല്‍ രാജ്യദ്രോഹം ഉള്‍പ്പെടെയുള്ള കേസുകളില്‍ പ്രതിയാണ്. കഴിഞ്ഞ സെപ്‌തംബര്‍ മുതല്‍ ലജ്പുര്‍ ജയിലില്‍ കഴിയുകയാണ് ഹാര്‍ദിക് പട്ടേല്‍. മൂന്നു ദിവസം മുമ്പാണ് ഇയാള്‍ നിരാഹാരസമരം തുടങ്ങിയത്.
കഴിഞ്ഞദിവസം തളര്‍ച്ചയും തലകറക്കവും അനുഭവപ്പെട്ടതിനെ തുടര്‍ന്ന് സിവില്‍ ഹോസ്പിറ്റലിലെ ജയില്‍ വാര്‍ഡിലേക്ക് മാറ്റുകയായിരുന്നു. പട്ടേല്‍ സമുദായത്തെ ഒ ബി സി വിഭാഗത്തില്‍പ്പെടുത്തി സംവരണം അനുവദിക്കണമെന്ന് ആവശ്യപ്പെട്ടാണ് ഹാര്‍ദികിന്റെ നേതൃത്വത്തില്‍ പട്ടേല്‍സമുദായം സമരരംഗത്തുള്ളത്.
