മംഗളൂരുവിൽ കർഫ്യൂ ലംഘിച്ചതിനെ തുടർന്ന് സി പി ഐ നേതാവ് ബിനോയ് വിശ്വത്തിനെ കർണാടക പോലീസ് അറസ്റ്റ് ചെയ്തു. കർഫ്യൂ ലംഘിക്കുമെന്ന് കഴിഞ്ഞ ദിവസം സി പി ഐ അറിയിച്ചിരുന്നു.

വെള്ളിയാഴ്ച തന്നെ ബിനോയ് വിശ്വം ട്രൈ‌യ്ൻ മാർഗം മംഗളൂരുവിൽ എത്തിയിരുന്നു. സമരത്തിനായി കൂടുതൽ പ്രവർത്തകരെ എത്തിക്കുവാൻ ശ്രമിച്ചുവെങ്കിലും കേരള- മംഗളൂരു ഗതാഗതം പൂർണമായും തടസ്സപ്പെട്ടതിനാൽ പ്രവർത്തകരെ മംഗളൂരുവിലേക്ക് എത്തിക്കുവാൻ സാധിച്ചിരുന്നില്ല. ഇതേ തുടർന്ന് മംഗളൂരുവിൽ നിന്നുള്ള പ്രവർത്തകരെയും കൂട്ടിയായിരുന്നു ബിനോയ് വിശ്വം കർഫ്യൂ ലംഘിച്ചത്.

മഹാത്മാ ഗാന്ധിയുടേയും അംബേദ്കറുടേയും ചിത്രങ്ങളുമായി നഗരത്തിലെത്തിയ ഇവരെ പോലീസ് കസ്റ്റഡിയിലെടുത്ത് പോലീസ് സ്റ്റേഷനിലെത്തിക്കുകയായിരുന്നു.