Last Updated:
ചൊവ്വ, 2 ജൂണ്‍ 2015 (19:02 IST)
‘പ്രേമം’ നിറയുകയാണ് കേരളത്തില്‍. എങ്ങും എവിടെയും പ്രേമം മാനിയ. കേരളം പ്രേമക്കുരുക്കിലാണ്. അല്‍ഫോണ്‍സ് പുത്രന്‍ സംവിധാനം ചെയ്ത ഈ അത്ഭുതചിത്രം നിവിന്‍ പോളി എന്ന പുതിയ സൂപ്പര്‍സ്റ്റാറിനെയും സമ്മാനിച്ചിരിക്കുന്നു. ഏറെക്കാലത്തിന് ശേഷമാണ് തിയേറ്ററുകള്‍ക്ക് മുന്നില്‍ ഇത്രയും വലിയ ജനക്കൂട്ടം പ്രത്യക്ഷപ്പെടുന്നത്. ലക്ഷക്കണക്കിനാളുകള്‍ ദിവസവും ടിക്കറ്റ് കിട്ടാതെ മടങ്ങുന്നു. എല്ലാ സെന്‍ററുകളിലും എല്ലാ ഷോയും ഹൌസ് ഫുള്‍. അടുത്ത ഒരാഴ്ചത്തേക്കുള്ള ഓണ്‍‌ലൈന്‍ ടിക്കറ്റുകള്‍ വിറ്റുതീര്‍ന്നിരിക്കുന്നു. ‘പ്രേമം’ കളക്ഷന്‍ റെക്കോര്‍ഡുകള്‍ ഭേദിക്കുകയാണ്.
തിയേറ്ററുകള്‍ ഉത്സവപ്പറമ്പുകളാകുന്ന ഈ സാഹചര്യത്തില്‍ മലയാളത്തിലെ എക്കാലത്തെയും വലിയ ഹിറ്റുകളെ ഓര്‍മ്മിക്കുകയാണ് മലയാളം വെബ്‌ദുനിയ. മമ്മൂട്ടിയുടെയും മോഹന്‍ലാലിന്‍റെയും ദിലീപിന്‍റെയുമൊക്കെ വമ്പന്‍ വിജയങ്ങള്‍ ജ്വലിക്കുന്ന ഓര്‍മ്മകളാണ്. ‘ചിത്രം‘ എന്ന പ്രിയദര്‍ശന്‍ സിനിമ 365 ദിവസമാണ് റെഗുലര്‍ ഷോ കളിച്ചത്. ഗോഡ്ഫാദര്‍ എന്ന സിനിമയാകട്ടെ അതും മറികടന്ന് 406 ദിനങ്ങള്‍ തിയേറ്ററുകളില്‍ നിന്നു. അവ നിര്‍ബന്ധപൂര്‍വം ആരും തിയേറ്ററുകളില്‍ നിലനിര്‍ത്തുകയായിരുന്നില്ല. ജനങ്ങള്‍ ഹൃദയം കൊണ്ട് അംഗീകരിച്ച്, വീണ്ടും വീണ്ടും കണ്ട് വന്‍ ഹിറ്റാക്കി മാറ്റുകയായിരുന്നു.
ഞങ്ങള്‍ ഓര്‍മ്മിപ്പിക്കുന്ന സിനിമകളില്‍ പലതും വായനക്കാരുടെ പ്രിയപ്പെട്ട സിനിമകള്‍ തന്നെയായിരിക്കും എന്ന് ഉറപ്പുണ്ട്.
അടുത്ത പേജില്‍ - ഒരു റോംഗ് നമ്പര്‍ ഉണര്‍ത്തിയ ചിരി
