പെരുമ്പാവൂരിലെ കുറുപ്പുംപടിയില്‍ ക്രൂരമായ പീഡനത്തിനിരയായി കൊല്ലപ്പെട്ട നിയമവിദ്യാര്‍ത്ഥിനി ജിഷയുടെ കൊലപാതകവുമായി ബന്ധപ്പെട്ട് നടക്കുന്ന അന്വേഷണം നിര്‍ണായക ഘട്ടത്തിലെന്ന് റിപ്പോര്‍ട്ട്. കുടുംബവുമായി പരിചയമുള്ളവരാണ് കൊലപാതകത്തിന് പിന്നിലെന്നാണ് പൊലീസ് നിഗമനം. ജിഷയുടെ സഹോദരി ദീപയുടെ സുഹൃത്ത് ഇതരസംസ്ഥാനക്കാരനാണെന്ന് പൊലീസിന് വിവരം ലഭിച്ചിട്ടുണ്ട്. ഇയാളെ കേന്ദ്രീകരിച്ചാണ് നിലവില്‍ അന്വേഷണം നടക്കുന്നത്.

അന്വേഷണം നിര്‍ണായകഘട്ടത്തിലാണെന്നും പ്രതികള്‍ ഉടന്‍ അറസ്റ്റിലാക്കുമെന്നും എ ഡി ജി പി പത്മകുമാര്‍ പറഞ്ഞു‍. ‘നിലവില്‍ അന്വേഷണം വളരെ പോസിറ്റീവായാണ് നടകുന്നത്. എന്നാല്‍ അന്വേഷണത്തെ ബാധിക്കും എന്നതിനാല്‍ കൂടുതല്‍ കാര്യങ്ങള്‍ ഇപ്പോള്‍ പുറത്ത് വിടാന്‍ കഴിയില്ല.’- പതമകുമാര്‍ പറഞ്ഞു.

അതേസമയം, ജിഷയുടെ സഹോദരി ദീപയെ പൊലീസ് വീണ്ടും ചോദ്യം ചെയ്തേക്കുമെന്ന് റിപ്പോര്‍ട്ടുകള്‍ ഉണ്ട്. ഇവര്‍ അന്വേഷണവുമായി സഹകരിക്കുന്നില്ലെന്ന് നേരത്തെ റിപ്പോര്‍ട്ടുകള്‍ പുറത്ത് വന്നിരുന്നു.