ക്ഷേത്രത്തിനകത്ത്‌ കടന്ന ശേഷം, ദേവസ്വം ഉയര്‍ന്ന ഉദ്യോഗസ്ഥരെ കാണാനെന്ന്‌ പറഞ്ഞ്‌ ഇയാള്‍ പതുക്കെ പുറത്തുവന്ന്‌ സൂക്ഷിക്കാന്‍ ഏല്‍പ്പിച്ച ബാഗുമായി മുങ്ങും. കബളിപ്പിക്കപ്പെടുന്നവരുടെ തിരിച്ചറിയല്‍ കാര്‍ഡുകളുപയോഗിച്ച്‌ സിംകാര്‍ഡുകളുണ്ടാക്കി വിവിധ നമ്പരുകളിലാണ്‌ ഇയാളുടെ അഭ്യാസങ്ങളെന്നും പോലീസ്‌ പറഞ്ഞു. മാത്രമല്ല, സംസ്ഥാനത്തിന്റെ വിവിധ ഭാഗങ്ങളിലുള്ളവര്‍ ഇയാളുടെ കബളിപ്പിക്കലിന്‌ വിധേയമായിട്ടുണ്ടെന്നും, എന്നാല്‍ പലരും നാണക്കേടോര്‍ത്ത്‌ പോലീസില്‍ പരാതി നല്‍കിയിട്ടില്ലെന്നും പോലീസ്‌ സംശയിക്കുന്നു.
ജാമ്യവ്യവസ്ഥയുടെ ലംഘനത്തിന്റെ ഭാഗമായി ഇയാളുടെ പേരിലുള്ള വീടും, പുരയിടവും ജപ്തിക്കായി കോടതി ഉത്തരവിട്ടിട്ടുണ്ട്‌. പ്രതിയെ അറസ്റ്റുചെയ്ത സംഘത്തില്‍ സീനിയര്‍ സിപിഓമാരായ കെ ഗിരി, അനില്‍ എന്നിവരുമുണ്ടായിരുന്നു. ചാവക്കാട്‌ ഫസ്റ്റ്ക്ലാസ്‌ മജിസ്റ്റ്ട്രേറ്റ് കോടതിയില്‍ ഹാജരാക്കിയ പ്രതിയെ റിമാന്റ്‌ ചെയ്തു.
