അമ്മയെ കാണണമെന്നാവശ്യപ്പെട്ട് ആശുപത്രി വളപ്പിലെ മരത്തില്‍ കയറി യുവാവിന്റെ ആത്മഹത്യാ ഭീഷണി
PRO
ഈ മാസം 24 ന്‌ ദേഹോപദ്രവം ഏറ്റതിനെ തുടര്‍ന്ന് ജനറല്‍ ആശുപത്രിയില്‍ പ്രവേശിക്കപ്പെട്ടിരുന്നയാളാണ്‌ ഷാജി. എല്ലാവരും ഷാജിയെ താഴെയിറങ്ങാന്‍ ആവശ്യപ്പെട്ടെങ്കിലും പിന്നീട് ഷാജി ഉടുത്തിരുന്ന മുണ്ട് അഴിച്ച് കഴുത്തില്‍ കുരുക്കിട്ട് നില്‍ക്കുകയാണുണ്ടായത്.
ആശുപത്രി അധികൃതര്‍ വിവരം അറിയിച്ചതിനെ തുടര്‍ന്ന് ഫയര്‍ ഫോഴ്സ് അധികാരികള്‍ സ്ഥലത്തെത്തി ഒന്നര മണിക്കൂറോളം നടത്തിയ പരിശ്രമത്തിനൊടുവില്‍ ഷാജിയെ താഴെയിറക്കി. ഫയര്‍ ഫോഴ്സ് ഉദ്യോഗസ്ഥര്‍ ഷാജിയുടെ അമ്മയെ മൊബൈല്‍ ഫോണില്‍ വിളിച്ച് മരത്തിനു മുകളിലിരുന്ന ഷാജിക്കു നല്‍കി. ഇതിനു ശേഷമാണു അയാള്‍ താഴെയിറങ്ങിയത്. അവശ നിലയിലായിരുന്ന ഷാജിയെ വടത്തിന്‍റെ സഹായത്തോടെയാണ്‌ താഴെയിറക്കിയത്.
