സംസ്ഥാനത്ത് ഇടതു തരംഗം ആഞ്ഞുവീശുന്നു. തിരുവനന്തപുരം വര്‍ക്കലയിലും നെയ്യാറ്റിന്‍കരയിലും ഇടതുവിജയം. വര്‍ക്കലയില്‍ അഡ്വ വി ജോയിയും നെയ്യാറ്റിന്‍കരയില്‍ കെ ആന്‍സലനും വിജയം ഉറപ്പിച്ചു.

അതേസമയം, പാലായില്‍ കെ എം മാണി വിജയം ഉറപ്പിച്ചു. മലമ്പുഴയില്‍ പ്രതിപക്ഷനേതാവ് വി എസ് അച്യുതാനന്ദനും പുതുപ്പള്ളിയില്‍ മുഖ്യമന്ത്രി ഉമ്മന്‍ ചാണ്ടിയും വിജയം ഉറപ്പിച്ചു. ധര്‍മ്മടത്ത് സി പി എം പോളിറ്റ് ബ്യൂറോ അംഗം പിണറായി വിജയന്‍ മികച്ച വിജയം ഉറപ്പാക്കി മുന്നേറുകയാണ്.

അതേസമയം, തൃശൂരിലും കൊല്ലത്തും എല്ലാ മണ്ഡലങ്ങളിലും ഇടതു മുന്നേറ്റമാണ്. ആലപ്പുഴയിലും പത്തനംതിട്ടയിലും ഓരോ മണ്ഡലത്തില്‍ മാത്രമാണ് യു ഡി എഫ് ലീഡ് നിലനിര്‍ത്തുന്നത്.