തദ്ദേശ തെരഞ്ഞെടുപ്പുമായി ബന്ധപ്പെട്ട് ജില്ലയില്‍ 28,643 പോസ്റ്റല്‍ ബാലറ്റുകള്‍ വിതരണം ചെയ്തതായി ജില്ലാ കളക്ടര്‍ ഡോ. നവ്‌ജ്യോത് ഖോസ അറിയിച്ചു. ഗ്രാമ- ബ്ലോക്ക് - ജില്ലാ പഞ്ചായത്തുകളിലേക്ക് തെരഞ്ഞെടുപ്പ് ഡ്യൂട്ടിയിലുള്ള ഉദ്യോഗസ്ഥര്‍ക്കായി 15,570 പോസ്റ്റല്‍ ബാലറ്റുകളും കോവിഡ് പോസിറ്റീവ് ആയവര്‍ക്കും ക്വാറന്റൈനില്‍ കഴിയുന്നവര്‍ക്കുമായി സ്‌പെഷ്യല്‍ പോളിങ് ഓഫീസര്‍, പോസ്റ്റല്‍ മുഖേന 6,576 ബാലറ്റുകളും വിതരണം ചെയ്തു.

നാലു മുനിസിപ്പാലിറ്റികളിലായി 1,492 പോസ്റ്റല്‍ ബാലറ്റുകളും 683 സ്‌പെഷ്യല്‍ പോസ്റ്റല്‍ ബാലറ്റുകളും ഉള്‍പ്പെടെ 2,175 പോസ്റ്റല്‍ ബാലറ്റുകള്‍ നല്‍കി. തിരുവനന്തപുരം മുനിസിപ്പല്‍ കോര്‍പറേഷനില്‍ 2,601 പോസ്റ്റല്‍ ബാലറ്റുകളും 1,721 സ്‌പെഷ്യല്‍ പോസ്റ്റല്‍ ബാലറ്റുകളും ഉള്‍പ്പെടെ 4,322 പോസ്റ്റല്‍ ബാലറ്റുകള്‍ അയച്ചിട്ടുണ്ട്.