പെരിന്തൽമണ്ണയിലെ അരിപ്ര പള്ളിപ്പടിയിൽ നിർമാണത്തിലിരുന്ന പള്ളിയിലേക്ക് ബസ് ഇടിച്ച് കയറി 30 പേർക്ക് പരുക്ക്. മൂന്ന് പേരുടെ നില അതീവഗുരുതരം. പെരുന്തൽമണ്ണയിൽ നിന്ന് മലപ്പുറത്തേക്ക് പോവുകയായിരുന്ന ക്ലാസിക് ബസാണ് ഏകദേശം ഒമ്പത് മണിയോടുകൂടി അപകടത്തിൽപ്പെട്ടത്.

മറ്റൊരു ബസിനെ മറികടക്കാനുള്ള ശ്രമത്തിനിടെ എതിരെ വന്ന കാറിൽ ഇടിക്കുകയും നിയന്ത്രണം വിട്ട് പള്ളിയിലേക്ക് ഇടിച്ച് കയറുകയുമായിരുന്നു. ഇതോടെ പള്ളിയുടെ മിനാരങ്ങ‌ൾ ബസിനു മുകളിലേക്ക് പതിക്കുകയായിരുന്നു. ബസിന്റെ മുൻഭാഗം പൂർണമായും തകർന്ന നിലയിലാണ്.

സ്‌കൂള്‍, ട്യൂഷന്‍ വിദ്യാര്‍ഥികളും ഇതര സംസ്ഥാനക്കാരായ നിരവധി തൊഴിലാളികളും ബസിലുണ്ടായിരുന്നു. അപകടത്തിൽപ്പെട്ടവരെ സമീപവാസികൾ ആശുപത്രിയിലെത്തിച്ചു. ബസിനുള്ളിൽ യാത്രാക്കാർ കുടുങ്ങി കിടക്കുന്നുവെന്നും സംശയമുണ്ട്. ഇതിനായി അഗ്നിശമന സേന, പൊലീസ്, നാട്ടുകാർ എന്നിവരുടെ രക്ഷാപ്രവർത്തനം പുരോഗമിക്കുകയാണ്. അപകടത്തെത്തുടർന്ന് പാലക്കാട്- കോഴിക്കോട് ദേശീയപാതയിലെ ഗതാഗതം സ്തംഭിച്ചു.

ഒരു സമ്പൂര്‍ണ വായനാനുഭവത്തിന് മലയാളം വെബ്‌ദുനിയ ആപ്പ് ഇവിടെ ഡൌണ്‍‌ലോഡ് ചെയ്യാം