തിരുവനന്തപുരം:
സംസ്ഥാന സർക്കാർ നൽകുന്ന സാമൂഹിക സുരക്ഷ, ക്ഷേമനിധി പെൻഷൻ ഗുണഭോക്താക്കൾക്ക് ഒരു ഗഡു കൂടി അനുവദിച്ചു.
ധനമന്ത്രി ബാലഗോപാൽ അറിയിച്ചതാണ് ഈ വിവരം. 1600 രൂപാ വീതം ഉള്ള ഈ പെൻഷൻ 62 ലക്ഷത്തോളം പേർക്കാണ് ലഭിക്കുന്നത്.

വരുന്ന ബുധനാഴ്ച മുതൽ ഈ തുക പെൻഷൻകാർക്ക് കിട്ടിത്തുടങ്ങും. ഇതിൽ 26.62 ലക്ഷം പേരുടെ ബാങ്ക് അക്കൗണ്ടുകളിൽ തുക എത്തുമ്പോൾ മറ്റുള്ളവർക്ക് സഹകരണ ബാങ്കുകൾ വഴി വീട്ടിലെത്തിയാണ് പെൻഷൻ തുക കൈമാറുന്നത്.

ഓണ സമയത്ത് 3 ഗഡു പെൻഷൻ നൽകിയിരുന്നു. കഴിഞ്ഞ മാർച്ച് മുതലുള്ള ഈ പെൻഷൻ പ്രതിമാസം നൽകാൻ ഉറപ്പു വരുത്തിയതായാണ് ധനമന്ത്രി പറയുന്നത്. ഈ സർക്കാർ അധികാരത്തിൽ എത്തിയ ശേഷം ഇതുവരെയായി 3 3000 കോടി രൂപയോളമാണ് വിതരണം ചെയ്യാൻ അനുവദിച്ചത്. ഈ പദ്ധതിക്കുള്ള പണത്തിൻ്റെ 98 ശതമാനവും സംസ്ഥാന സർക്കാർ കണ്ടെത്തുമ്പോൾ കേവലം 2 ശതമാനം മാത്രമാണ് കേന്ദ്ര വിഹിതം.