സൂപ്പര്‍ താരങ്ങളെ പരിഹസിച്ച് വിടി ബല്‍റാം. മോഹന്‍ലാലിനെ മോഹന്‍ നായരെന്നും സുരേഷ് ഗോപിയെ കസവു ഷാള്‍ ഗോപിയെന്നും യെന്നുമാണ് വിടി ബല്‍റാം തന്റെ ഫേസ്ബുക്ക് പോസ്റ്റില്‍ വിശേഷിപ്പിച്ചത്. ഇത് കൂടാതെ പ്രധാന മന്ത്രി നരേന്ദ്ര മോഡിയെ റാംബോയെന്നാണ് ഫേസ്ബുക്ക് കുറുപ്പില്‍ കളിയാക്കി വിളിച്ചിരിക്കുന്നത്.

നേരത്തെ മോഹന്‍ലാല്‍ തന്റെ ബ്ലോഗില്‍
പ്രധാന മന്ത്രി നരേന്ദ്ര മോഡിയെ പ്രശംസിച്ചിരുന്നു ഈ സാഹചര്യത്തിണ് ബല്‍റാമിന്റെ ഫേസ്ബുക്ക് പോസ്റ്റ്.


വി ടി ബല്‍റാമിന്റെ ഫേസ്ബുക്ക് പോസ്റ്റിന്റെ പൂര്‍ണ്ണ രൂപം താഴെ..



'സംസ്ഥാന നിയമസഭകളിലേക്കുള്ള തെരഞ്ഞെടുപ്പുകള്‍ അടുത്തുകൊണ്ടിരിക്കുന്ന സാഹചര്യത്തില്‍ പുതിയ ഫോട്ടോഷോപ്പ് വികസന ഗാഥകളുമായി ഫേക്കുവും കൂട്ടരും ഇറങ്ങിയിട്ടുണ്ട്. കേന്ദ്രത്തില്‍ അധികാരത്തില്‍ വന്നതിനുശേഷം റാംബോയുടെ വികസനം കൊണ്ട് വീര്‍പ്പുമുട്ടി കഴിഞ്ഞ നൂറു ദിവസങ്ങളായി പ്രത്യേകിച്ച് ശല്ല്യമൊന്നുമുണ്ടാക്കാതെ മാളത്തില്‍ ഒളിച്ചിരിക്കുകയായിരുന്നു ഇക്കൂട്ടര്‍.

ഗുജറാത്തിലെ നമ്മുടെ സ്വന്തം സര്‍ക്കാര്‍ അഹമ്മദാബാദില്‍ നടപ്പാക്കിയ ബുള്ളറ്റ് ട്രെയിന്‍ ഹരിയാണയിലേക്കും കൊണ്ടുവരും എന്നാണു മിഷന്‍ നയാ ഹരിയാണ ക്യംപെയ്നിന്റെ
പ്രധാന മുദ്രാവാക്യം. സംശയമുള്ളവര്‍ക്ക് വേണമെങ്കില്‍ ഗുജറാത്തിലെ ബാലിമോറിയ സ്റ്റേഷനില്‍ പോയി നേരിട്ട് കണ്ടു മനസ്സിലാക്കാം എന്ന വെല്ലുവിളി പോലുമുണ്ട്. തിരിച്ച് പോരും വഴി പ്രധാനമന്ത്രി നരേന്ദ്രജിക്ക് ശത ശത പ്രണാമമര്‍പ്പിക്കുകയുമാവാം.

ഏതായാലും ഹരിയാണ ബി ജെ പി അണ്ണന്മാരുടെ തൊലിക്കട്ടി സമ്മതിക്കണം. ഇതുപോലുള്ള മന്ദബുദ്ധി അനുയായികളുമായി വേണം നമ്മുടെ മോഹല്ലാല്‍ നായരേയും കസവുഷാള്‍ ഗോപിയേയും പോലുള്ള അടിമക്കൂട്ടങ്ങള്‍ പ്രീതി പിടിച്ചുപറ്റാന്‍
മത്സരിക്കേണ്ടത് എന്നോര്‍ക്കുമ്പോഴാ. ഏതായാലും അവര്‍ക്ക് വിജയാശംസകള്‍. ശംഭോ മഹാദേവ.
**************************
എന്‍.ബി: ഇത്തരം പോസ്റ്റുകളിടുന്നത് ബാലിശമല്ലേ, ഇതൊക്കെ ഒരു എം.എല്‍.എക്ക് ചേര്‍ന്നതാണോ എന്നൊക്കെ സന്ദേഹിക്കുന്ന സംഘി മനസ്സുള്ള നിഷ്പക്ഷര്‍ക്ക് ഈ പോസ്റ്റ് അവഗണിക്കാവുന്നതാണു. നിങ്ങളേപ്പോലുള്ള ശുദ്ധന്മാര്‍ ദുഷ്ടന്മാരുടെ ഫലം ചെയ്തതതിനാണു ഇന്ന് ഇന്ത്യ അനുഭവിക്കുന്നത്. ഇങ്ങനെയാണ്
വി ടി ബല്‍റാമിന്റെ ഫേസ്ബുക്ക് കുറിപ്പ് അവസാനിക്കുന്നത്.