കൊച്ചി|
jibin|
Last Modified തിങ്കള്‍, 6 മാര്‍ച്ച് 2017 (16:36 IST)
കൊച്ചിയില്‍ യുവനടിയെ തട്ടിക്കൊണ്ടു പോയി ഉപദ്രവിച്ച സംഭവത്തില്‍ ഫോറന്‍സിക് സയന്‍സ് ലാബില്‍ നിന്നുള്ള ഫലം ഉടന്‍ ലഭിക്കും. കേസിന്റെ അന്വേഷണത്തിന് ഏറെ ഗുണകരമാകുന്ന ഈ റിപ്പോര്‍ട്ട് ചൊവ്വാഴ്‌ചയോ ബുധനാഴ്‌ചയോ ലഭിച്ചേക്കുമെന്ന പ്രതീക്ഷയിലാണ് അന്വേഷണ സംഘം.
കേസിലെ മുഖ്യപ്രതി പള്‍സര്‍ സുനി കൈമാറിയ ഫോണും മെമ്മറി കാര്‍ഡും അടക്കമുള്ളവ കോടതിയില്‍ ഏല്‍പ്പിച്ച പ്രതികളുടെ അഭിഭാഷകന്‍ ഇസി പൗലോസ് കേസില്‍നിന്നു പിന്മാറി. കേസിലെ സാക്ഷിക്കു പ്രതികള്‍ക്കുവേണ്ടി ഹാജരാകാനാവാത്തതിനാലാണ്പിന്മാറ്റമെന്ന് അദ്ദേഹം പറഞ്ഞു.
പൊലീസ് മഹസറില്‍ ഇസി പൗലോസും ഭാര്യയും ഒപ്പിട്ടതോടെയാണു കേസില്‍നിന്നു പിന്മാറേണ്ടി വന്നത്. ഇതോടെ
പള്‍സര്‍ സുനിയടക്കം നാലുപേരുടെ വക്കാലത്ത് അഭിഭാഷകന്‍ തിരിച്ചുനല്‍കി.
പ്രതികളായ പള്‍സര്‍ സുനി, മണികണ്ഠന്‍, വിജീഷ് എന്നിവര്‍ സംഭവദിവസം രാത്രിയാണ് വീട്ടിലെത്തി വക്കാലത്ത് ഒപ്പിട്ടു നല്‍കിയത്. സുനി നേരത്തെ ചില കേസുകളില്‍ ഇതേ അഭിഭാഷകരുടെ കക്ഷിയാണ്.
