കേരളാ കോ​ൺഗ്രസിന് (എം)​ ആരോടും വിരോധമില്ലെന്ന് പാര്‍ട്ടി ചെയര്‍മാന്‍ കെഎം മാണി. പാര്‍ട്ടിക്ക് എല്ലാവരോടും സൗമ്യവും സമഭാവനയുമാണ്​ ഉള്ളത്. എവിടെ നൻമയുണ്ടോ അവിടെ തങ്ങളുണ്ടെന്നും എടുത്ത നിലപാട്​ ശരിയാണെന്ന്​ തന്നെയാണ്​​ വിശ്വാസമെന്നും മാണി കൂട്ടിച്ചേർത്തു.

പ്രശ്​നാധിഷ്​ഠിത രാഷ്​ട്രീയ നിലപാടാണ്​ തങ്ങളു​ടേത്​. ചിന്തിക്കുന്നവര്‍ക്ക് തങ്ങളുടെ നിലപാട് ശരിയാണെന്ന് തോന്നും. എല്ലാവര്‍ക്കും സ്‌നേഹമാണ് ഞങ്ങളോട്. ആര്‍ക്കും വിരോധമില്ല. നല്ലൊരു തീരുമാനമാണ് പാര്‍ട്ടി ഇപ്പോള്‍ എടുത്തിരിക്കുന്നതെന്നും മാണി വ്യക്തമാക്കി.

കേരള കോൺഗ്രസിനെ​ എൽഡിഎഫിലേക്ക്പരോക്ഷമായി​ ക്ഷണിച്ച്​ ദേശാഭിമാനിയിൽ വന്ന മുഖപ്രസംഗത്തെ തള്ളാതെ ആയിരുന്നു മാണിയുടെ പ്രസ്‌താവന. യുഡിഎഫ് ബന്ധം മുറിച്ച ശേഷം കേരളാ കോണ്‍ഗ്രസിന്റെ ഉന്നതാധികാര സമിതി യോഗം കോട്ടയത്ത് ഞായറാഴ്ച ചേരാനിരിക്കെയാണ് അദ്ദേഹത്തിന്റെ പ്രതികരണം.

യുഡിഎഫ്​ വിട്ടു വരുന്നവരുമായി പ്രശ്​നാധിഷ്​ഠിതമായി സഹകരിക്കുമെന്ന്​ സിപിഎം സംസ്​ഥാന സെക്രട്ടറി കോടിയേരി ബാലകൃഷ്​ണനും കഴിഞ്ഞ ദിവസം പ്രസ്​താവിച്ചിരുന്നു.

അതേസമയം, യുഡിഎഫ് ബന്ധം അവസാനിപ്പിച്ച കേരളാ കോണ്‍ഗ്രസിനെ (എം) ക്ഷണിച്ച് മുന്നണികള്‍ രംഗത്ത് എത്തിയതോടെ നയം വ്യക്തമാക്കി ജോസ് കെ മാണി രംഗത്ത് എത്തി. കേരളാ കോണ്‍ഗ്രസ് എന്‍ഡിഎയിലേക്ക് പോകുമെന്ന പ്രചരണങ്ങള്‍ നിഗൂഢ ലക്ഷ്യത്തോടെയുള്ളതാണ്. എന്‍ഡിഎയുമായുള്ള സഖ്യം അജണ്ടയില്‍ ഇല്ലെന്നും അദ്ദേഹം പറഞ്ഞു.