കടലില്‍ നീന്താനിറങ്ങിയ മലയാളി യുവാവ് ദുബായില്‍ മുങ്ങി മരിച്ചു. തൃശൂര്‍ പുന്നയൂര്‍ക്കുളം പേരൂര്‍ സ്വദേശിയായ റെനീഷ് ഖാലിദ് (27) ആണ് ദുബായിലെ
ജുമറൈ ബീച്ചില്‍ മുങ്ങി മരിച്ചത്. ദുബായി ഫോറന്‍സിക് മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം ഞായറാഴ്ച നാട്ടിലെത്തിക്കും.

വെള്ളിയാഴ്ച രാവിലെ സുഹൃത്തുക്കള്‍ക്കൊപ്പം ബീച്ചില്‍ നീന്താനിറങ്ങിയതിനിടെ അപകടം സംഭവിക്കുകയായിരുന്നു. മുങ്ങിപ്പോയ റെനീഷിനെ കരയ്ക്കെത്തിച്ച് ആശുപത്രിയിലെത്തിച്ചെങ്കിലും രക്ഷിക്കാനായില്ല. ദുബായിലെ സ്വകാര്യ കമ്പനിയില്‍ ജീവനക്കാരനായിരുന്നു റെനീഷ്.