എറണാകുളം: പറവൂരില്‍ പുഴയില്‍ കുളിക്കാനിറങ്ങിയ മൂന്നു കുട്ടികള്‍ മുങ്ങിമരിച്ചു. പറവൂരിലെ മുസിരിസ് പൈതൃക ബോട്ടുജെട്ടി, ചന്ത എന്നിവ പ്രവര്‍ത്തിക്കുന്ന തട്ടുകടവ് പുഴയില്‍ പാലത്തിനടുത്തതാണ് ദുരന്തം ഉണ്ടായത്.

മരോട്ടിക്കല്‍ ബിജു - കവിത ദമ്പതികളുടെ മകള്‍ അഞ്ചാം ക്ലാസുകാരി ശ്രീവേദ (11), കവിതയുടെ സഹോദരന്‍ ബിനു - നിത ദമ്പതികളുടെ മകന്‍ അഭിനവ് (13), കവിതയുടെ സഹോദരി വിനിത - രാജേഷ് ദമ്പതികയുടെ മകന്‍ ശ്രീരാഗ് (13) എന്നിവരാണ് മുങ്ങിമരിച്ചത്.

കഴിഞ്ഞ ദിവസം ഉച്ചയ്ക്കായിരുന്നു അപകടം ഉണ്ടായത്. സൈക്കിളിലായിരുന്നു ഇവര്‍ പുഴയോരത്ത് എത്തിയത്. ഇവരെ കാണാതായതിനെ തുടര്‍ന്നുള്ള അന്വേഷണത്തിലാണ് മൂന്നു കുട്ടികളുടെയും മൃതദേഹം കണ്ടെത്തിയത്.