നടിയുടെ വിവാഹം കഴിഞ്ഞാലും 'അവൾ ചൊൽപടിക്കു നിൽക്കണം’ എന്ന് ദിലീപ് പൾസർ സുനിയോട് ആവശ്യപ്പെട്ടിരുന്നതായി കുറ്റപത്രത്തിൽ പറയുന്നു. നടിയുടെ അപകീർത്തിപരമായ ദൃശ്യങ്ങളും ദിലീപ് ആവശ്യപ്പെട്ടു. അതിനായി ഒരേസമയം നടി പലരുമായി ഇടപഴകുന്നതിന്റെ ദൃശ്യങ്ങളാണു സുനിലിനോടു പകർത്താൻ നിർദേശിച്ചിരുന്നത്.

നടിയുടെ മോതിരം വ്യക്തമായി ദൃശ്യങ്ങളിൽ കാണണമെന്നും നിർദേശിച്ചിരുന്നു. ദിലീപിന്റെ ആദ്യവിവാഹം തകരാനിടയാക്കിയ കാരണങ്ങളിൽ നടിക്ക് പങ്കുണ്ടെന്ന തെറ്റിദ്ധാരണയാണ് ദിലീപിനെ ഇതിനെല്ലാം പ്രേരിപ്പിച്ചതെന്നും കുറ്റപത്രത്തിൽ പറയുന്നു.

കുറ്റപത്രത്തിനൊപ്പം സമർപ്പിച്ച സാക്ഷിപ്പട്ടികയിൽ സിനിമാരംഗത്തെ 50 പേരുണ്ട്. എല്ലാവരും പൊലീസിന് അനുകൂലമായി മൊഴി നൽകുമെന്ന വിശ്വാസം അന്വേഷണ സംഘത്തിനില്ല.