ഇടുക്കി|
Last Modified ശനി, 17 മെയ് 2014 (09:46 IST)
ഇടുക്കി ബിഷപ്പ്‌ മാത്യു ആനിക്കുഴിക്കാട്ടിലിന്‌ എതിരെ അജ്‌ഞാതരുടെ ആക്രമണം. ഇന്നലെ രാത്രി ബിഷപ്പ്‌ ഹൗസില്‍നിന്ന്‌ താമസസ്‌ഥലത്തേക്ക്‌ മടങ്ങുമ്പോള്‍ ആക്രമികള്‍ ബിഷപ്പിന് നേരെ
തുടര്‍ച്ചയായി പടക്കമെറിയുകയായിരുന്നു.
പടക്കങ്ങള്‍ അദ്ദേഹത്തിന്റെ ദേഹത്തു തട്ടിയ ശേഷം സമീപത്തെ മതിലില്‍ ഇടിച്ച്‌ പൊട്ടുകയായിരുന്നു. സംഭവത്തില്‍ ബിഷപ്പിന് പരുക്കൊന്നും സംഭവിച്ചിട്ടില്ല. തെരഞ്ഞെടുപ്പ്‌ ഫലം പുറത്തു വന്ന ദിവസം തന്നെയാണ്‌ ബിഷപ്പിന് നേരെ ആക്രമണമുണ്ടായതും.
യുഡിഎഫ്‌ മണ്ഡലമായ ഇടുക്കിയില്‍ ബിഷപ്പ്‌ മാത്യു ആനിക്കുഴിക്കാട്ടില്‍ എല്‍ഡിഎഫിന്‌ അനുകൂലമായി നിലപാടെടുത്തിരുന്നു. കസ്‌തൂരിരംഗന്‍ റിപ്പോര്‍ട്ടിലെ കോണ്‍ഗ്രസ്‌ നിലപാട്‌ ചൂണ്ടിക്കാണിച്ചായിരുന്നു ഇത്‌. മണ്ഡലത്തില്‍ എല്‍ഡിഎഫ്‌ സ്‌ഥാനാര്‍ത്ഥി ജയിക്കുകയും. ചെയ്‌തു. ഇതാണോ ബിഷപ്പിനു നേരെ ആക്രമമുണ്ടാകാന്‍ കാരണമെന്ന സംശയം ഉയരുന്നുണ്ട്‌. എന്നാല്‍ ഇതിനുള്ള സാധ്യതയില്ലെന്ന നിലപാടിലാണ്‌ പൊലീസ്‌.
