സിആര്‍ രവിചന്ദ്രന്‍|
Last Modified വെള്ളി, 25 ഒക്‌ടോബര്‍ 2024 (18:58 IST)
എഡിഎം നവീന്‍ ബാബുവിന്റെ മരണം പ്രത്യേക അന്വേഷണസംഘം അന്വേഷിക്കും. കണ്ണൂര്‍ റേഞ്ച് ഡിഐജിയുടെ നേരിട്ടുള്ള മേല്‍നോട്ടത്തിലായിരിക്കും അന്വേഷണം നടക്കുന്നത്. കണ്ണൂര്‍ സിറ്റി പോലീസ് കമ്മീഷണര്‍ അജിത് കുമാറിനാണ് അന്വേഷണ സംഘത്തിന്റെ ചുമതല. ഇത് സംബന്ധിച്ച ഉത്തരവ് പുറത്തിറക്കിയത് മനോജ് എബ്രഹാമിന്റെ നിര്‍ദ്ദേശപ്രകാരമാണ്. സംഘത്തില്‍ ആറു ഉദ്യോഗസ്ഥരാണ് ഉണ്ടാവുക. നവീന്‍ ബാബുവിന്റെ ഫോണ്‍ കോളുകള്‍, നവീന്‍ ബാബുവിനെതിരെ പരാതി ഉന്നയിച്ച ടിവി പ്രശാന്തിനെതിരെ ഉയര്‍ന്ന ആരോപണങ്ങള്‍, സിപിഎം നേതാവ് പിപി ദിവ്യക്കെതിരെ ഉയര്‍ന്ന ആരോപണങ്ങള്‍ തുടങ്ങിയവയെല്ലാം അന്വേഷണസംഘം വിശദമായി പരിശോധിക്കും.
അതേസമയം നവീന്‍ ബാബുവിന്റെ കുടുംബം നിയമ പോരാട്ടത്തിനായി തയ്യാറായിട്ടുണ്ട്. ഈ സാഹചര്യത്തിലാണ് സര്‍ക്കാര്‍ അന്വേഷണ സംഘത്തെ നിയോഗിച്ചത്.
