സിആര്‍ രവിചന്ദ്രന്‍|
Last Modified തിങ്കള്‍, 9 സെപ്‌റ്റംബര്‍ 2024 (21:00 IST)
ആരോപണം തനിക്കും കുടുംബത്തിനും മാനഹാനി ഉണ്ടാക്കിയെന്നും നിരപരാധിത്വം തെളിഞ്ഞാല്‍ സര്‍ക്കാര്‍ ആരോപണം ഉന്നയിച്ചവര്‍ക്കെതിരെ കേസ് ഫയല്‍ ചെയ്യണമെന്നാവശ്യപ്പെട്ട് എഡിജിപി എംആര്‍ അജിത് കുമാര്‍ മുഖ്യമന്ത്രിക്ക് കത്ത് നല്‍കി. സെഷന്‍സ് കോടതിയില്‍ സര്‍ക്കാരിനു തന്നെ കേസ് ഫയല്‍ ചെയ്യാമെന്നതുള്‍പ്പെടെ നിയമനടപടികളുടെ വിശദാംശങ്ങള്‍ കൂടി കത്തില്‍ ഉള്‍പ്പെടുത്തിയിട്ടുണ്ട്.
എഡിജിപിക്കെതിരായ പി.വി അന്‍വര്‍ എംഎല്‍എയുടെ ആരോപണങ്ങളില്‍ അന്വേഷണം നടക്കുകയാണ്. പ്രത്യേക അന്വേഷണ സംഘം എഡിജിപിയുടെ മൊഴിയെടുക്കാനുള്ള നീക്കം നടത്തുന്നതിനിടെയാണ് അജിത് കുമാര്‍ മുഖ്യമന്ത്രിക്ക് കത്തയച്ചത്.
