പത്തോളം വിവാഹങ്ങള്‍ കഴിക്കുകയും തട്ടിപ്പുനടത്തുകയും ചെയ്ത കേസിലെ പ്രതിയായ ശാലിനി(32) പ്രമുഖ രാഷ്ട്രീയ നേതാക്കളുടെ പേരു പോലും ദുരുപയോഗം ചെയ്തായിരുന്നു വിവാഹത്തട്ടിപ്പിന് കളമൊരുക്കിയിരുന്നതെന്ന തരത്തിലുള്ള റിപ്പോര്‍ട്ടുകള്‍ പുറത്ത്.

തനിക്ക് കോടതിയിൽ ഉടൻ തന്നെ ജോലി ലഭിക്കുമെന്നും അടുത്തബന്ധുക്കളെല്ലാം പൊലീസിലെ ഉന്നതഉദ്യോഗസ്ഥരാണെന്നുമാണ് വിവാഹാലോചനയുമായി എത്തുന്നവരോട് ശാലിനി പറഞ്ഞിരുന്നതെന്നും റിപ്പോര്‍ട്ടുകള്‍ പറയുന്നു.

സംസ്ഥാനത്തെ ഒരു മുൻ എംഎൽഎ തന്റെ അച്ഛന്റെ സഹോദരനാണെന്നു പറഞ്ഞും ശാലിനി ഇതേ തട്ടിപ്പ് നടത്തിയിരുന്നു. കൂടാതെ ആലപ്പുഴ ജില്ലയിലുള്ള ഒരു സർക്കിൾ ഇൻസ്പെക്ടർ തന്റെ അമ്മാവനാണെന്നും ശാലിനി പറഞ്ഞിരുന്നതായും തട്ടിപ്പിനിരയായ യുവാവ് പറയുന്നു.