വിവാഹത്തട്ടിപ്പ് നടത്തി പലരില്‍ നിന്നും പണം കൈക്കലാക്കിയ ശലിനിക്കെതിരെ പുതിയ പരാതി.

പന്തളത്ത് വിവാഹവേദിയില്‍ വച്ചു ശാലിനിയെ കഴിഞ്ഞ ദിവസമാണ് പൊലീസ് അറസ്റ്റ് ചെയ്തത്. ഇപ്പോള്‍ ഓച്ചന്തുരുത്ത് സ്വദേശിയായ സജീവാണ് യുവതിക്കെതിരേ പുതിയ പരാതിയുമായി രംഗത്തു വന്നത്. സര്‍ക്കാര്‍ ജോലി വാഗ്ദാനം ചെയ്ത് ശാലിനി ഏഴര ലക്ഷം രൂപ തട്ടിയെടുത്തെന്നാണ് സജീവിന്റെ പരാതിയില്‍ പറയുന്നത്.

ഹൈക്കോടതിയില്‍ പ്യൂണ്‍, ക്ലാര്‍ക്ക് എന്നീ തസ്തികകളില്‍ ജോലി വാങ്ങിത്തരാമെന്ന് വാഗ്ദാനം ചെയ്താണ് സജീവിന്റെയും കുടുംബാംഗങ്ങളുടെയും പക്കല്‍ നിന്നും ഒന്നര ലക്ഷം വീതം ശാലിനി കൈക്കലാക്കിയത്. 2016 ഡിസംബറിലാണ് ശാലിനിക്കു പണം കൈമാറിയതെന്നും പരാതിയില്‍ പറയുന്നുണ്ട്. രണ്ടു പേര്‍ നേരിട്ടാണ് പണം നല്‍കിയത്. മറ്റു മൂന്ന് പേര്‍ ബാങ്ക് മുഖേനയും. എന്നാല്‍ വിവാഹത്തട്ടിപ്പില്‍ ശലിനിയെ അറസ്റ്റ് ചെയ്തപ്പോഴാണ് തന്നെ പറ്റച്ചതാണെന്ന് മനസിലായത്. തുടര്‍ന്ന് പൊലീസില്‍ പരാതി നല്‍കുകയായിരുന്നു.