മദ്യപിച്ച് പൊലീസ് വാഹനത്തില്‍ യാത്രചെയ്തതിന് പിടിയിലായ ക്രൈംബ്രാഞ്ച് ഐജി ജയരാജിനെ മുഖ്യമന്ത്രി പിണറായി വിജയന്‍ വിളിച്ചുവരുത്തി ശാസിച്ചു. സംഭവമായി ബന്ധപ്പെട്ട് ക്രൈംബ്രാഞ്ച് ഐജി പദവിയില്‍ നിന്ന് ഇദ്ദേഹത്തെ എത്രയും പെട്ടന്ന് മാറ്റുമെന്നും വിവരങ്ങള്‍ ഉണ്ട്. സര്‍ക്കാറിന് നാണക്കേടുണ്ടാക്കിയ ഐ‌ജിയെ സര്‍വീസില്‍ നിന്ന് സസ്‌പെന്‍ഡ് ചെയ്യുമെന്നാണ് സൂചന.

അതേസമയം ഐജിക്കെതിരേ നടപടിവേണമെന്ന് സംസ്ഥാന പൊലീസ് മേധാവി ലോക്‌നാഥ് ബെഹ്‌റ ആഭ്യന്തരവകുപ്പ് അഡീഷണല്‍ ചീഫ് സെക്രട്ടറി സുബ്രതാ ബിശ്വാസിന് കത്തുനല്‍കിയിരുന്നു. ഔദ്യോഗിക വാഹനം ദുരുപയോഗം ചെയ്തതിനും കൃത്യനിര്‍വഹണത്തിനിടെ മദ്യപിച്ചതിനും ജയരാജിനെതിരേ അച്ചടക്കനടപടി സ്വീകരിക്കണമെന്നാണ് ബെഹ്‌റ സര്‍ക്കാരിനോട് ആവശ്യപ്പെട്ടത്.