ശ്വാസമടക്കി ക്രിക്കറ്റ് ആരാധകര്‍; കാര്‍ത്തിക് ത്യാഗിയുടെ അവസാന ഓവറില്‍ സംഭവിച്ചത്

രേണുക വേണു| Last Modified ബുധന്‍, 22 സെപ്‌റ്റംബര്‍ 2021 (09:33 IST)

കാര്‍ത്തിക് ത്യാഗിയുടെ അവസാന ഓവറാണ് പഞ്ചാബ് കിങ്‌സിനെതിരായ മത്സരത്തില്‍ രാജസ്ഥാന്‍ റോയല്‍സിന് വിജയം സമ്മാനിച്ചത്. പഞ്ചാബ് ജയം ഉറപ്പിച്ച മത്സരത്തില്‍ കാര്‍ത്തിക് ത്യാഗി അവസാന ഓവര്‍ എറിയാനെത്തുമ്പോള്‍ രാജസ്ഥാന് ഒട്ടും പ്രതീക്ഷകളുണ്ടായിരുന്നില്ല. ആറ് ബോളില്‍ നാല് റണ്‍സ് നേടിയാല്‍ പഞ്ചാബിന് ജയിക്കാം. എട്ട് വിക്കറ്റുകള്‍ ശേഷിക്കുന്നു. ഏറെ അനുഭവ സമ്പത്തുള്ള, ടി 20 സ്‌പെഷ്യലിസ്റ്റുകളായ നിക്കോളാസ് പൂറാനും ഏദന്‍ മാര്‍ക്രമും ആണ് പഞ്ചാബിനായി ക്രീസിലുള്ളത്. ഇരുവരും മികച്ച രീതിയില്‍ ബാറ്റ് ചെയ്തുകൊണ്ടിരിക്കുന്നു.

രാജസ്ഥാന്‍ നായകന്‍ സഞ്ജു സാംസണ്‍ ആത്മവിശ്വാസത്തോടെ പന്ത് കാര്‍ത്തിക് ത്യാഗിയെ ഏല്‍പ്പിച്ചു. അവസാന ഓവറിലെ ആദ്യ പന്ത് നേരിട്ടത് മാര്‍ക്രം ആണ്. യോര്‍ക്കര്‍ ലെങ്ത്, ലോ ഫുള്‍ടോസ് ബോള്‍ ആയിരുന്നു അത്. മാര്‍ക്രം റണ്‍സൊന്നും എടുത്തില്ല. ഇതോടെ പഞ്ചാബിന് ജയിക്കാന്‍ വേണ്ടത് അഞ്ച് ബോളില്‍ നാല് റണ്‍സ് !

അവസാന ഓവറിലെ രണ്ടാം പന്തില്‍ മാര്‍ക്രം സിംഗിള്‍ നേടുന്നു. സ്‌ട്രൈക് നിക്കോളാസ് പൂറാനിലേക്ക്. 20-ാം ഓവറിലെ മൂന്നാം പന്തില്‍ പൂറാന്‍ പുറത്ത് ! യോര്‍ക്കര്‍ ലെങ്ത് ബോളില്‍ വിക്കറ്റ് കീപ്പര്‍ സഞ്ജുവിന് ക്യാച്ച് നല്‍കി പൂറാന്‍ കൂടാരം കയറി. 22 പന്തില്‍ നിന്ന് 32 റണ്‍സെടുത്താണ് പൂറാന്‍ പുറത്തായത്. ഇനി മൂന്ന് പന്തില്‍ നിന്ന് മൂന്ന് റണ്‍സ് ജയിക്കാന്‍ വേണ്ട സാഹചര്യം.

പൂറാന്റെ വിക്കറ്റിനു ശേഷം ദീപക് ഹൂഡ ക്രീസിലേക്ക്. നിര്‍ണായക ഓവറിലെ നാലാം പന്തില്‍ ഹൂഡയ്ക്ക് റണ്‍സൊന്നും നേടാന്‍ സാധിച്ചില്ല. അഞ്ചാം പന്തില്‍ ഹൂഡയെ കാര്‍ത്തിക് ത്യാഗി പുറത്താക്കി രാജസ്ഥാന് പ്രതീക്ഷയേകുന്നു. ഔട്ട്‌സൈഡ് ഓഫിലേക്കുള്ള പന്തിന് ബാറ്റ് വെച്ചാണ് ഹൂഡ പുറത്തായത്. എഡ്ജ് എടുത്ത് പന്ത് നേരെ വിക്കറ്റ് കീപ്പര്‍ സഞ്ജുവിന്റെ കൈകളിലേക്ക്. ഇതോടെ ഒരു പന്തില്‍ പഞ്ചാബിന് ജയിക്കാന്‍ വേണ്ട മൂന്ന് റണ്‍സ് ! ഒരിഞ്ച് പോലും വ്യത്യാസമില്ലാതെ വൈഡ് ലൈനെ തൊട്ടു തൊട്ടില്ല എന്ന മട്ടില്‍ വളരെ പെര്‍ഫക്ട് ആയ ഒരു യോര്‍ക്കര്‍ കാര്‍ത്തിക് ത്യാഗി എറിഞ്ഞു. പഞ്ചാബ് ബാറ്റ്‌സ്മാന്‍ ഫാബിയന്‍ അലന്‍ ക്രീസില്‍ നിസഹായനായി നിന്നു. അവസാന പന്തില്‍ ഒരു റണ്‍സ് പോലും നേടാന്‍ പഞ്ചാബിന് സാധിച്ചില്ല. ഒടുവില്‍ രണ്ട് റണ്‍സിന്റെ വിജയം രാജസ്ഥാന്‍ റോയല്‍സ് സ്വന്തമാക്കി.




ഇതിനെക്കുറിച്ച് കൂടുതല്‍ വായിക്കുക :

റൊണാൾഡോ സ്വയം പുകഴ്ത്തുന്നതിൽ അത്ഭുതമില്ല, പക്ഷേ മെസ്സി ...

റൊണാൾഡോ സ്വയം പുകഴ്ത്തുന്നതിൽ അത്ഭുതമില്ല, പക്ഷേ മെസ്സി തന്നെ ഏറ്റവും മികച്ചവൻ: ഡി മരിയ
താന്‍ ഏറ്റവും മികച്ചവനാണെന്ന് പറയുന്ന സ്വഭാവം റൊണാള്‍ഡോയ്ക്ക് ഉള്ളതാണെന്നും ഡി മരിയ.

Australia vs Srilanka: ഓനെ കൊണ്ടൊന്നും ആവില്ല സാറെ, രണ്ടാം ...

Australia vs Srilanka:  ഓനെ കൊണ്ടൊന്നും ആവില്ല സാറെ, രണ്ടാം ഏകദിനത്തിലും നാണം കെട്ട് ഓസ്ട്രേലിയ, ശ്രീലങ്കക്കെതിരെ 174 റൺസ് തോൽവി
22 റണ്‍സ് നേടിയ ഇംഗ്ലീഷിന് പിറകെ വിക്കറ്റുകള്‍ തുടര്‍ച്ചയായി നഷ്ടപ്പെട്ടതോടെ ...

ലൈറ്റ് മാറ്റാൻ പോലും പാകിസ്ഥാന് പണമില്ലേ, വെളിച്ചക്കുറവ് ...

ലൈറ്റ് മാറ്റാൻ പോലും പാകിസ്ഥാന് പണമില്ലേ, വെളിച്ചക്കുറവ് കാരണം ന്യൂസിലൻഡ് താരം രചിൻ രവീന്ദ്രയ്ക്ക് പരിക്ക്, ചാമ്പ്യൻസ് ട്രോഫിക്ക് മുൻപെ ആശങ്ക
രമ്പരയിലെ ആദ്യ മത്സരം പിന്നിടുമ്പോള്‍ പാകിസ്ഥാനിലെ സ്റ്റേഡിയത്തെ പറ്റി അത്ര ശുഭകരമായ ...

'ഇത് ടീം ഗെയിം ആണ്, ഇത്ര പരസഹായം വേണ്ട'; രാഹുലിനെ ...

'ഇത് ടീം ഗെയിം ആണ്, ഇത്ര പരസഹായം വേണ്ട'; രാഹുലിനെ വിമര്‍ശിച്ച് ഗവാസ്‌കര്‍
ഇന്ത്യക്ക് 28 റണ്‍സ് ജയിക്കാന്‍ ഉള്ളപ്പോഴാണ് രാഹുല്‍ ക്രീസിലെത്തുന്നത്. മറുവശത്ത് 81 ...

2034 ഫുട്ബോൾ ലോകകപ്പ് സൗദിയിൽ, 2030ലെ ലോകകപ്പ് 3 ...

2034 ഫുട്ബോൾ ലോകകപ്പ് സൗദിയിൽ, 2030ലെ ലോകകപ്പ് 3 രാജ്യങ്ങളിലായി നടത്തും
യുറുഗ്വയില്‍ നടന്ന ആദ്യ ലോകകപ്പിന്റെ നൂറാം വാര്‍ഷികാഘോഷം പ്രമാണിച്ച് 3 മത്സരങ്ങള്‍ സൗത്ത് ...

മൈതാനത്ത് വിക്കറ്റുകളും റണ്‍സും നേടാനായില്ലെങ്കില്‍ ...

മൈതാനത്ത് വിക്കറ്റുകളും റണ്‍സും നേടാനായില്ലെങ്കില്‍ ടാലന്റിനെ പറ്റി പറയുന്നത് വെറുതെയാണ്: രൂക്ഷവിമര്‍ശനവുമായി ഷോയ്ബ് അക്തര്‍
രോഹിത്, വിരാട് കോലി,ശുഭ്മാന്‍ ഗില്‍ ഇവര്‍ക്കൊക്കെയും പന്തിനെ അതിര്‍ത്തി കടത്താന്‍ ...

സമരം അംഗീകരിക്കാനാവില്ല, പ്രതിഫലം കുറയ്ക്കണമെന്ന ...

സമരം അംഗീകരിക്കാനാവില്ല, പ്രതിഫലം കുറയ്ക്കണമെന്ന നിർമാതാക്കളുടെ ആവശ്യം തള്ളി AMMA
അതേസമയം തിങ്കളാഴ്ച ഉച്ചയ്ക്ക് ശേഷം നിര്‍മാതാക്കളുടെ സംഘടനയുടെ എക്‌സിക്യൂട്ടീവ് യോഗം ...

രാജകുമാരനെ പരിഹസിച്ചപ്പോള്‍ രാജാവുള്ളത് ഓര്‍ത്തുകാണില്ല, ...

രാജകുമാരനെ പരിഹസിച്ചപ്പോള്‍ രാജാവുള്ളത് ഓര്‍ത്തുകാണില്ല, പാക് സ്പിന്നര്‍ അബ്‌റാര്‍ അഹമ്മദിന്റെ ചെവിക്ക് പിടിച്ച് സോഷ്യല്‍ മീഡിയ
ഇന്ത്യയുടെ രാജകുമാരനായ ഗില്ലിനെ മടക്കിയപ്പോള്‍ മതിമറന്ന അബ്‌റാര്‍ രാജകുമാരനെ തൊട്ടാല്‍ ...

പാകിസ്ഥാൻ തോറ്റതിൽ സങ്കടമുണ്ട്, പക്ഷേ കോലി സെഞ്ചുറി ...

പാകിസ്ഥാൻ തോറ്റതിൽ സങ്കടമുണ്ട്, പക്ഷേ കോലി സെഞ്ചുറി അടിച്ചതിൽ സന്തോഷം: ഷോയ്ബ് അക്തർ
11 പന്തില്‍ നിന്നും 7 ഫോറുകള്‍ ഉള്‍പ്പടെ 100 റണ്‍സാണ് കോലി നേടിയത്. ഇന്നിങ്ങ്‌സിന്റെ ...

Abrar Ahmed Wicket Celebration: 'അപ്പുറത്ത് നില്‍ക്കുന്നത് ...

Abrar Ahmed Wicket Celebration: 'അപ്പുറത്ത് നില്‍ക്കുന്നത് ആരാണെന്നു നോക്കിയിട്ട് ഷോ ഇറക്ക്'; ഗില്ലിനെ പരിഹസിച്ച അബ്രറാറിനെ എയറില്‍ കയറ്റി ആരാധകര്‍
18-ാം ഓവറിലെ മൂന്നാം പന്തിലാണ് ഗില്‍ പുറത്തായത്. വളരെ മികച്ചൊരു പന്തില്‍ ഇന്ത്യന്‍ ...