റിപ്പബ്ലിക്കൻ പാർട്ടി സ്ഥാനാർഥി ഡോണൾഡ് ട്രംപിനെതിരെ രൂക്ഷ വിമർശനവുമായി ട്രംപിന്റെ എതിരാളിയും ഡെമോക്രാറ്റിക് സ്ഥാനാർത്ഥി ഹിലരി ക്ലിന്റൺ. ട്രംപിന് റഷ്യയോടു സമ്പൂർണമായ കൂറാണെന്നും ഇതു ദേശസുരക്ഷ സംബന്ധിച്ച ആശങ്ക ഉയർത്തുന്നതായും ഹിലറി വ്യക്തമാക്കി. പുടിനെ പിന്തുണയ്ക്കാൻ ട്രംപ് വല്ലാത്ത താൽപര്യമാണു കാട്ടുന്നതെന്നു നമുക്കറിയാം. ക്രൈമിയയിലും യുക്രെയ്നിലും പുടിന്റെ ഇടപെടലുകളെ ട്രംപ് പിന്തുണയ്ക്കുന്നുവെന്നും ഹിലരി പറഞ്ഞു.

എന്നാൽ, പുടിനുമായി തനിക്കൊരു ബന്ധവുമില്ലെന്നു ട്രംപ് പറഞ്ഞു. തന്നെക്കുറിച്ചു നല്ലതു പറഞ്ഞതുകൊണ്ടാണു മുൻപ് പുടിനെ പുകഴ്ത്തിയതെന്ന് അദ്ദേഹം വിശദീകരിച്ചു. താൻ പുടിനെ നേരിട്ടു കാണുകയോ ഫോണിൽ സംസാരിക്കുകയോ ചെയ്തിട്ടില്ല. പുടിനുമായി തനിക്കൊരു ബന്ധവുമില്ലെന്നും ട്രംപ് പ്രതികരിച്ചു.