ഒളിംപിക്സ് മത്സരങ്ങള്‍ നടക്കുന്ന വേദിക്ക് സമീപം മാധ്യമപ്രവര്‍ത്തകര്‍ സഞ്ചരിച്ചിരുന്ന ബസിനു നേരെ ആക്രമണം. ആക്രമണത്തില്‍ രണ്ടുപേര്‍ക്ക് നിസാരപരുക്കേറ്റു. ബാസ്‌കറ്റ് ബോള്‍ മത്സരം നടക്കുന്ന ഒളിംപിക് വേദിയില്‍ നിന്ന് പ്രധാന വേദിയിലേക്ക് വരികയായിരുന്ന ബസിനു നേരെയാണ് വെടിവെപ്പുണ്ടായതെന്ന് ദൃക്‌സാക്ഷികള്‍ പറഞ്ഞു.

ബസിനു നേരെ രണ്ടുതവണ വെടിവെപ്പുണ്ടായി. ബസിന്റെ ജനല്‍ ചില്ലുകള്‍ തെറിച്ചാണ് രണ്ടുപേര്‍ക്ക് പരുക്കേറ്റത്. അതേസമയം, ആരാണ് വെടിയുതിര്‍ത്തതെന്ന് വ്യക്തമല്ല. ഇതിനിടെ റിയോയില്‍ തെരുവുകളില്‍ അക്രമങ്ങള്‍ പതിവായിരിക്കുന്നതായി റിപ്പോര്‍ട്ടുകളുണ്ട്. തെരുവുകളില്‍ മോഷണവും പിടിച്ചുപറിയും വ്യാപകമായി റിപ്പോര്‍ട്ട് ചെയ്യപ്പെടുന്നുണ്ട്.