Last Modified ശനി, 5 സെപ്‌റ്റംബര്‍ 2015 (13:33 IST)
വിദ്യാര്‍ത്ഥികള്‍ക്ക് സ്കോളര്ഷിപ്പ് പദ്ധതിയുമായി
പ്രമുഖ പോണ്‍സൈറ്റായ പോണ്‍ഹബ് രംഗത്ത്.
25,000 യു എസ് ഡോളറിന്റെ സഹായമാണ് പദ്ധതിയിലൂടെ പോണ്‍ഹബ് വിദ്യാര്‍ത്ഥികള്‍ക്ക് വാഗ്ദാനം ചെയ്യുന്നത്.ഹബ് കെയേഴ്സ് എന്ന ഈ പദ്ധതി പ്രകാരം സ്കോളര്ഷിപ്പ് ലഭിക്കുന്നതിനായി വിദ്യാര്‍ത്ഥികള്‍ ചെയ്യേണ്ടത് ഇത്രമാത്രം. മറ്റുള്ളവരെ സന്തോഷിപ്പിക്കാന്‍ നിങ്ങള്‍ എന്തു ചെയ്യും എന്ന വിഷയത്തില്‍ 1000 മുതല്‍ 1500 വാക്കുകള്‍ വരുന്ന പ്രബന്ധം തയ്യാറാക്കി സമര്‍പ്പിക്കണം.
ഒപ്പം ഒരു വീഡിയോയും ഒപ്പം റെസ്യൂമേയും തയ്യാറാക്കി സമര്‍പ്പിക്കണം. അപേക്ഷകര്‍ക്കു 18 വയസ് പൂര്‍ത്തിയായിരിക്കണമെന്നും
കോളേജിലേയോ, സ്കൂളിലേയോ ജിപിഎ സ്കോര്‍ 3.2 ഓ അതില്‍ കൂടുതലോ ഉണ്ടായിരിക്കണമെന്നും നിബന്ധനയുണ്ട്. അതേസമയം, അശ്ലീല വെബ്‌സൈറ്റിന്റെ നീക്കത്തിനെതിരെ വ്യാപക വിമര്‍ശനവും ഉയര്‍ന്നിട്ടുണ്ട്. പോണ്‍സൈറ്റുകളിലേക്ക വിദ്യാര്‍ത്ഥികളെ ആകര്‍ഷിക്കാനുള്ള വിലകുറഞ്ഞ തന്ത്രമാണിതെന്നും . വിദ്യാര്‍ത്ഥികള്‍ ഇത്തരം ചതിക്കുഴികളില്‍ വീഴരുതെന്നാണ് ലൈംഗിക ചൂഷണം തടയുന്നതിനുള്ള അമേരിക്കന്‍ ദേശീയ അതോറിറ്റിയുടെ എക്‌സിക്യൂട്ടീവ് ഡയറക്ടര്‍ ഡോണ്‍ ഹാക്കിന്‍സ് മുന്നറിയിപ്പ് നല്‍കി.
