ഏതായാലും ഫ്രാന്സിലെ ടെലിവിഷന് ചാനലുകളും റൊമെയ്നെ സഹായിക്കാനെത്തിയിരുന്നു. ഓട്ടത്തിന്റെ ദൃശ്യങ്ങള് അവര് പ്രധാന വാര്ത്തകള്ക്കൊപ്പം തന്നെ സംപ്രേഷണം ചെയ്തു.
പക്ഷേ കാര്യങ്ങള് ഇത്രയൊക്കെ ആയിട്ടും റൊമെയ്നെ സ്പോണ്സര്ഷിപ്പ് ഏറ്റെടുത്ത് സഹായിക്കാന് ആരും ഇതുവരെ എത്തിയിട്ടില്ല. രാഷ്ട്രപിതാവായ ഗാന്ധിജിയുടെ സ്മൃതികള് ലണ്ടനിലെ ലേലസ്ഥലത്തുനിന്ന് പണം കൊടുത്ത് വാങ്ങി ഇന്ത്യയ്ക്ക് സമര്പ്പിച്ച വിജയ് മല്യയെപ്പോലെയുള്ള ഉദാരമനസ്കര് അവിടെയില്ലെന്ന് സാരം.
തന്റെ പ്രയത്നത്തിന് ഫലമുണ്ടായില്ലെന്ന നിരാശയൊന്നും റൊമെയ്നില്ല. കാരണം സാമ്പത്തിക പ്രതിസന്ധി തന്റെ മാത്രം ശാപമല്ലെന്ന് അദ്ദേഹത്തിനറിയാം. താന് പ്രതിനിധാനം ചെയ്തത് കായികതാരങ്ങളുടെ ഒരു സമൂഹത്തെ തന്നെയാണെന്ന് അദ്ദേഹം ഉറച്ചുവിശ്വസിക്കുന്നു.
ഇന്റര്നെറ്റില് ഇതിന്റെ വീഡിയോ പോസ്റ്റ് ചെയ്ത് ഓട്ടം നേരില് കാണാന് കഴിയാത്തവര്ക്കും തന്റെ പ്രകടനം ആസ്വദിക്കാന് റൊമെയ്ന് സൌകര്യമൊരുക്കി. ഒരു കറുത്ത സ്ക്വയര് ഉപയോഗിച്ച് രഹസ്യഭാഗങ്ങളൊക്കെ മറച്ചാണ് വീഡിയോ പ്രദര്ശിപ്പിച്ചിരിക്കുന്നത്. സാമ്പത്തിക പ്രതിസന്ധിയെ നിറയെ പള്ളുപറയുന്ന കുറെ ലേഖനങ്ങളും റൊമെയ്ന് പോസ്റ്റ് ചെയ്തിട്ടുണ്ട്.