മലയാളികളുടെ ഭക്ഷണമേശയില്‍ എന്നും അധികാരം കൈയ്യാളുന്ന ഒരേയൊരു വസ്തുവാണ് മത്സ്യം. അതുപോലെ മലയാളത്തിന്റെ പ്രിയ വിഭവവും ചോറും മീന്‍ കറിയും തന്നെയാണെന്നതും വാസ്തവമാണ്.


പോഷകങ്ങളുടെ കലവറയാണ് മത്സ്യമെന്ന കാര്യം അറിയാത്തവരായി ആരുമുണ്ടാകില്ല. മത്സ്യം കഴിക്കുന്ന ആളുകളില്‍ വിഷാദരോഗം ഉണ്ടാകില്ലെന്നതാണ് എറ്റവും പുതിയ പഠനം പറയുന്നത്. ദിവസവും ഭക്ഷണത്തോടൊപ്പം മീന്‍കറി ശീലമാക്കിയാല്‍ ആത്മഹത്യയുടെ നിരക്ക് കുറവാണെന്നും പഠനങ്ങള്‍ പറയുന്നു.

മലയാളികളുടെ ഇഷ്‌ട മത്സ്യങ്ങളായ ചെമ്പല്ലി, അയല, മത്തി, ചൂര തുടങ്ങിയ കഴിക്കുന്നതുവഴി ഹൃദയാഘാതം തടയാൻ സാധിക്കുമെന്നാണ് യുഎസ് ഡോക്ടർമാരുടെ കണ്ടെത്തൽ.

ആഴ്ചയിൽ രണ്ടുതവണയെങ്കിലും മത്സ്യം– പ്രത്യേകിച്ച ഒമേഗ 3 ഫാറ്റി ആസിഡ് അടങ്ങിയവ കഴിക്കുന്നത് ഹൃദയസംബന്ധമായ രോഗങ്ങളും പക്ഷാഘാതവും വരാനുള്ള സാധ്യത കുറയ്ക്കുമെന്ന് സർക്കുലേഷൻ ജേണലിൽ പ്രസിദ്ധീകരിച്ച പഠനം പറയുന്നു.

സ്രാവ്, തിരണ്ടി, അയക്കൂറ, കടൽക്കുതിര, ടൈൽഫിഷ് എന്നീ മത്സ്യങ്ങളില്‍ മെർക്കുറി കൂടുതലുള്ളതനിനാല്‍ ഗര്‍ഭിണികള്‍ ഒഴിവാക്കുന്നത് നല്ലതാണ്. എന്നാല്‍ മത്സ്യത്തിലൂടെ ശരീരത്തിലെത്തുന്ന ലവണങ്ങള്‍ സ്ത്രീയുടെ ശരീര ലാവണ്യത്തിന് മാറ്റു കൂട്ടുമെന്നും പഠനങ്ങള്‍ പറയുന്നു.

പോഷകങ്ങളുടെ കലവറയാണ് മത്സ്യമെന്ന കാര്യം അറിയാത്തവരായി ആരുമുണ്ടാകില്ല. മത്സ്യം കഴിക്കുന്ന ആളുകളില്‍ വിഷാദരോഗം ഉണ്ടാകില്ലെന്നതാണ് എറ്റവും പുതിയ പഠനം പറയുന്നത്.


കൊഴുപ്പിനെ പ്രതിരോധിക്കുന്ന ഒമേഗ 3, ലൈംഗിക ശക്തി വര്‍ധിപ്പിക്കുന്ന സിങ്ക്, ആയുസ്സിനെ നിലനിര്‍ത്തുന്ന അയഡിന്‍, എല്ലിന്റേയും പല്ലിന്റേയും ബലം വര്‍ധിപ്പിക്കുന്ന കാത്സ്യം എന്നിവയെല്ലാം മത്സ്യത്തിന്റെ ഊര്‍ജ സമ്പത്തും പ്രൗഢിയും കൂട്ടുന്നവയാണ്.