രേണുക വേണു|
Last Modified ഞായര്‍, 4 ഡിസം‌ബര്‍ 2022 (11:15 IST)
പ്രീ ക്വാര്‍ട്ടറില്‍ ഓസ്‌ട്രേലിയയെ ഒന്നിനെതിരെ രണ്ട് ഗോളുകള്‍ക്ക് തോല്‍പ്പിച്ച് അര്‍ജന്റീന ഖത്തര്‍ ലോകകപ്പിന്റെ ക്വാര്‍ട്ടറില്‍. അവസാന നിമിഷം വരെ ആവേശം നിറഞ്ഞ മത്സരത്തില്‍ നായകന്‍ ലയണല്‍ മെസിയുടെ മിന്നും ഫോമാണ് അര്‍ജന്റീനയ്ക്ക് വിജയമൊരുക്കിയത്. 35-ാം മിനിറ്റില്‍ മെസിയും 57-ാം മിനിറ്റില്‍ ജൂലിയന്‍ അല്‍വാരസുമാണ് അര്‍ജന്റീനയ്ക്ക് വേണ്ടി ഗോള്‍ നേടിയത്.
77-ാം മിനിറ്റില്‍ എന്‍സോ ഫെര്‍ണാണ്ടസിന്റെ പിഴവിലൂടെ അര്‍ജന്റീന ഓണ്‍ഗോള്‍ വഴങ്ങി. രണ്ടാം ഗോള്‍ നേടാന്‍ അവസാന പത്ത് മിനിറ്റില്‍ ഓസ്‌ട്രേലിയ തീവ്ര പരിശ്രമം നടത്തിയെങ്കിലും ഒന്നും ഫലം കണ്ടില്ല.
ക്വാര്‍ട്ടറില്‍ നെതര്‍ലന്‍ഡ്‌സ് ആണ് അര്‍ജന്റീനയുടെ എതിരാളികള്‍.
