‘റോയിട്ടേഴ്സ് വേണു’ എന്നാണ് നായകന്‍ അറിയപ്പെടുന്നത്. രാജന്‍ കര്‍ത്ത(സിദ്ദിക്ക്) എന്ന വ്യവസായിയും ഭരതന്‍ പിള്ള(സായികുമാര്‍) എന്ന രാഷ്ട്രീയക്കാരനും ഉള്‍പ്പെട്ട ഒരു അഴിമതിയുടെ വാര്‍ത്ത തേടിയുള്ള യാത്രയ്ക്കിടയിലാണ് വേണുവും രേണുകയും വേര്‍‌പിരിയുന്നത്. കല്യാണം വരെയെത്തിയ അവരുടെ ബന്ധം പിന്നീട് അകന്നുപോകുകയായിരുന്നു.
സിനിമയിലെ ചില മുഹൂര്‍ത്തങ്ങള്‍ പ്രേക്ഷകര്‍ക്ക് ദഹിക്കാന്‍ പ്രയാസം തോന്നും. യാഥാര്‍ത്ഥ്യവുമായി തീരെ ബന്ധമില്ലാത്തതെന്ന് തോന്നും. ചില കാര്യങ്ങള്‍ വളരെ സില്ലിയായി കൈകാര്യം ചെയ്തിരിക്കുന്നു എന്ന് തോന്നും. എന്നാല്‍ അതിനെയൊക്കെ സംവിധായകന്‍ തന്‍റെ മികച്ച ടേക്കിംഗ്സിലൂടെ മാറ്റിത്തീര്‍ത്തിരിക്കുന്നു.
സിനിമയില്‍ വലിയ പുതുമയോ അസാധാരണത്വമോ ഇല്ല. എന്നാല്‍ രസകരമായ അവതരണത്തിലൂടെ ചിത്രത്തെ ഒരു മികച്ച എന്‍റര്‍‌ടെയ്‌നറാക്കി മാറ്റാന്‍ ജോഷിക്ക് സാധിച്ചു. കഥയിലെ ചില വഴിത്തിരിവുകള്‍ നമുക്ക് പ്രവചിക്കാവുന്നത് തന്നെയാണ്. എന്നാല്‍ അതൊന്നും സിനിമയുടെ ടോട്ടല്‍ പേസിനെ ബാധിക്കുന്നതേയില്ല.
