അല്‍പ്പം പോലും സസ്പെന്‍സിനോ ചിന്തയ്ക്കോ ഇടയില്ലാത്ത ചിത്രമാണെങ്കിലും മോഹന്‍‌ലാല്‍ എന്ന നടന്‍റെ അഭിനയ പാടവം ഇതിലുടനീളമുണ്ട്. പലിശക്കാരനായുള്ള ലാലും ലാലിന്‍റെ ‘താക്കോല്‍ പൂട്ടും’ എല്ലാം ഈ നടന്‍റെ അനായാസത വ്യക്തമാക്കുന്നു. കാവ്യാമാധവനും തന്‍റെ റോള്‍ ഭംഗിയായി കൈകാര്യം ചെയ്തു. ചിത്രത്തിന്‍റെ ആദ്യ പകുതി തമാശയില്‍ ചാലിച്ചതാണെങ്കില്‍ രണ്ടാം പകുതിയില്‍ ബന്ധങ്ങളുടെ വിങ്ങലുകള്‍ വരച്ചുകാട്ടാനുള്ള ശ്രമം നടത്തിയിരിക്കുന്നു.
മല്ലിക കപൂറിനെ ഭാഷാ പ്രശ്നം പലപ്പോഴും ഗുരുതരമായി ബാധിച്ചു എന്ന് ചുണ്ടനക്കത്തില്‍ നിന്ന് മനസ്സിലാക്കാം. ഇത്തരം വേഷങ്ങള്‍ അനേകം തവണ ചെയ്തിട്ടുണ്ട് എങ്കിലും സിദ്ധിഖും കെ പി എ സി ലളിതയും പ്രേക്ഷകരെ നിരാശരാക്കുന്നില്ല. മാടമ്പിയിലെ ഗാനങ്ങളും ഗാന രംഗങ്ങളും മനോഹരം തന്നെയാണ്. യേശുദാസ് ആലപിച്ച ‘അമ്മ മഴക്കാറിനു..’ എന്ന ഗാനരംഗം കണ്ണിനെ ഈറനണിയിക്കുന്ന രീതിയില്‍ അതിമനോഹരമായി ചിത്രീകരിച്ചിരിക്കുന്നു.
WEBDUNIA|
പുതുമകള്‍ എടുത്തു പറയാനില്ല എങ്കിലും നല്ലൊരു കുടുംബ ചിത്രമെന്ന് മാടമ്പിയെ വിശേഷിപ്പിക്കാം. ലാലിനെ ഇഷ്ടപ്പെടുന്നവര്‍ക്ക് കുറ്റം പറയാനാവാത്ത ഒരു ചിത്രം!
