ഒരു കുട്ടനാടന്‍ ബ്ലോഗ്: കുടുംബങ്ങള്‍ക്ക് ആഘോഷമായി ഒരു കിടിലന്‍ സിനിമ!

ജെബിന്‍ പീറ്റര്‍ 

വെള്ളി, 14 സെപ്‌റ്റംബര്‍ 2018 (11:52 IST)

മമ്മൂട്ടിച്ചിത്രങ്ങളില്‍ നിന്ന് നമ്മള്‍ പ്രതീക്ഷിക്കുന്നതല്ല പലപ്പോഴും ലഭിക്കുക. ചിത്രത്തിന്‍റെ ജോണറും സംവിധായകന്‍റെ ശൈലിയുമൊക്കെ മനസില്‍ ഉറപ്പിച്ച് ഇത് ഇത്തരമൊരു ചിത്രമായിരിക്കും എന്ന മുന്‍‌ധാരണയോടെ തിയേറ്ററിലെത്തിയാല്‍ അത്തരം ധാരണകളെയെല്ലാം മാറ്റിമറിക്കുന്ന ഒരു ചിത്രമായിരിക്കും കാണാനാവുക. ആക്ഷന്‍ ത്രില്ലര്‍ പ്രതീക്ഷിച്ചെത്തിയാല്‍ കുടുംബചിത്രം കാണാന്‍ കഴിയും ചിലപ്പോള്‍. ഒരു ഫാമിലി എന്‍റര്‍ടെയ്നറായിരിക്കുമെന്ന ധാരണയോടെയെത്തിയാല്‍ ഒരു സൂപ്പര്‍ ത്രില്ലര്‍ ചിലപ്പോള്‍ കാണാനാകും.
 
സേതു സംവിധാനം ചെയ്യുന്ന ‘ഒരു കുട്ടനാടന്‍ ബ്ലോഗ്’ എന്ന ചിത്രത്തിന് പ്രേക്ഷകര്‍ മനസിലുറപ്പിച്ച മുന്‍‌ധാരണ എന്താവും? ഇതൊരു ഫാമിലി ത്രില്ലര്‍ ആണെന്നല്ലേ? എങ്കില്‍ കേട്ടോളൂ, കുട്ടികളോടൊപ്പം, കുടുംബത്തോടൊപ്പം കാണാന്‍ കഴിയുന്ന ഒരു കം‌പ്ലീറ്റ് ഫാമിലി എന്‍റര്‍ടെയ്നറാണ് ഈ സിനിമ. നിറയെ തമാശകളുള്ള, ഇടയ്ക്ക് കണ്ണുനനയിക്കുന്ന, നാട്ടിന്‍‌പുറത്തിന്‍റെ നിറക്കാഴ്ചകളുള്ള ഒരു സിനിമ. സേതു തന്‍റെ ആദ്യ സംവിധാന സംരംഭം ഉജ്ജ്വലമാക്കിയിരിക്കുന്നു.
 
സമീപകാല മമ്മൂട്ടി സിനിമകളുടെ കാഴ്ചകളെയെല്ലാം മറക്കും വിധമോ മറയ്ക്കും വിധമോ തലയെടുപ്പുള്ള അവതരണമാണ് കുട്ടനാടന്‍ ബ്ലോഗിന്‍റേത്. പറയാനുദ്ദേശിക്കുന്ന കാര്യം ഏറ്റവും ഇഫക്‍ടീവായി പറയാന്‍ സേതുവിന് കഴിഞ്ഞിട്ടുണ്ട്. അക്കാര്യത്തില്‍ സേതുവിലെ തിരക്കഥാകൃത്തിന് ജാഗ്രത ഏറിയിരിക്കുന്നു. സേതു എഴുതിയ ചില സിനിമകള്‍ പ്രേക്ഷകരുമായും സംവദിക്കാന്‍ പറ്റാത്തവിധത്തില്‍ മാറിനിന്നിട്ടുണ്ട്. എന്നാല്‍ കുട്ടനാടന്‍ ബ്ലോഗ് ഏത് കൊച്ചുകുട്ടിയോടും ഇണങ്ങുന്ന കഥയാണ്, അവരോട് സല്ലപിക്കുന്ന സിനിമയാണ്. 
 
താരങ്ങളുടെ ഒരു കൂട്ടം തന്നെയാണ് ഈ സിനിമയില്‍. നായികമാരായി റായ് ലക്‍ഷ്മിയും അനു സിത്താരയും ഷം‌ന കാസിമും. എനിക്ക് കൂടുതല്‍ ഇഷ്ടമായത് മമ്മൂട്ടിയും ഷം‌ന കാസിമും തമ്മിലുള്ള കെമിസ്ട്രിയാണ്. അടുത്തകാലത്ത് കണ്ടതില്‍ നായകന്‍ - നായിക കോമ്പോ ഏറ്റവും രസകരമായ രീതിയില്‍ ചിത്രീകരിച്ചിട്ടുള്ളത് ഈ ചിത്രത്തിലെ മമ്മൂട്ടി - ഷം‌ന സീക്വന്‍സ് ആണെന്ന് നിസംശയം പറയാം. 
 
ലാലു അലക്‍സിന്‍റെ ശക്തമായ തിരിച്ചുവരവാണ് കുട്ടനാടന്‍ ബ്ലോഗിലെ സന്തോഷമുണര്‍ത്തുന്ന മറ്റൊരു കാഴ്ച. രണ്‍ജി പണിക്കരുടെ വരവോടെ അല്‍പ്പം മങ്ങിപ്പോയിരുന്ന ലാലു അതിഗംഭീരമായ ഒരു കഥാപാത്രത്തിലൂടെ മടങ്ങിയെത്തിയിരിക്കുകയാണ്. 
 
അതുപോലെയാണ് നെടുമുടി വേണുവിന്‍റെ കാര്യവും. നെടുമുടിക്ക് ഏറെക്കാലത്തിന് ശേഷം അഭിനയപ്രാധാന്യമുള്ള ഒരു ചിത്രം ലഭിച്ചിരിക്കുന്നു. തെസ്‌നി ഖാന്‍, കൃഷ്ണപ്രസാദ്, സണ്ണി വെയ്ന്‍, ജൂഡ്, ഗ്രിഗറി തുടങ്ങി മികച്ച പ്രകടനവുമായി ഒട്ടേറെ താരങ്ങള്‍ കുട്ടനാടന്‍ ബ്ലോഗിലുണ്ട്.
 
മഹാപ്രളയത്തില്‍ സര്‍വ്വം നശിച്ച ഒരു നാടാണ് കുട്ടനാട്. പ്രളയത്തിന് തൊട്ടുമുമ്പുള്ള ആ മനോഹരമായ കുട്ടനാടിനെ കാണാനുള്ള അവസരം കൂടിയാണ് ഈ സിനിമ. പ്രദീപ് നായരുടെ ക്യാമറ കുട്ടനാടന്‍ ഭംഗിയെ ചാരുത ഒട്ടും ചോരാതെ ഒപ്പിയെടുത്തിരിക്കുന്നു. 
 
എന്തായാലും ഓണത്തിന് വരുമെന്ന് പ്രതീക്ഷിക്കുകയും വെള്ളപ്പൊക്കം കാരണം റിലീസ് നീട്ടിവയ്ക്കുകയും ചെയ്ത ഒരു കുട്ടനാടന്‍ ബ്ലോഗ് ആ ഓണക്കാലം ഇപ്പോള്‍ പുനഃസൃഷ്ടിക്കുകയാണ് തിയേറ്ററുകളില്‍. പ്രേക്ഷകര്‍ക്ക് കുടുംബത്തോടൊപ്പം ആഘോഷിക്കാന്‍ ഒരു ക്ലീന്‍ ഫാമിലി എന്‍റര്‍ടെയ്നര്‍ ഇതാ എത്തിയിരിക്കുന്നു. ധൈര്യമായി ടിക്കറ്റെടുക്കാം.
 
റേറ്റിംഗ്: 3.75/5



ഇതിനെക്കുറിച്ച് കൂടുതല്‍ വായിക്കുക :  

സിനിമ

news

‘ബൈക്ക് മറിഞ്ഞ് രണ്ടാളും റോഡിൽ വീണു, സെറ്റിനെ ‘കൂളാക്കിയത്’ മമ്മൂക്ക’- സേതു പറയുന്നു

മമ്മൂട്ടി ആരാധകർ ഏറെ പ്രതീക്ഷയോടെ കാത്തിരുന്ന ‘ഒരു കുട്ടനാടൻ ബ്ലോഗ്‘ തിയേറ്ററുകളിൽ ...

news

‘മമ്മൂട്ടിയെന്ന മനുഷ്യസ്നേഹി, അഭിനയിക്കാനറിയാത്ത മനുഷ്യൻ’

മമ്മൂട്ടിയെന്ന സിനിമാനടനെയല്ല മമ്മൂട്ടിയെന്ന മനുഷ്യസ്നേഹിയെ ആണ് തനിക്ക് പരിചയമെന്ന് ...

news

കാത്തിരിപ്പിനൊടുവിൽ രജനികാന്തിന്റെ 2.0 ടീസർ പുറത്തിറങ്ങി; പ്രതീക്ഷയ്ക്ക് ഒത്തുയർന്നോ?

രജനീകാന്ത് ആരാധകര്‍ ഒന്നടങ്കം ആവേശത്തോടെ കാത്തിരിക്കുന്ന ബിഗ് ബഡ്ജറ്റ് ചിത്രമാണ് 2.0. ...

news

ഓരോ ശ്വാസത്തിലും വൈ എസ് ആർ ആയി മമ്മൂട്ടി, യാത്ര നേരത്തേയെത്തും!

ആന്ധ്രപ്രദേശ് മുന്‍മുഖ്യമന്ത്രിയും ചരിത്രനായകനുമായ വൈ എസ് ആര്‍ ആയി മമ്മൂട്ടി വേഷമിടുന്ന ...

Widgets Magazine