Last Modified ചൊവ്വ, 16 ഓഗസ്റ്റ് 2016 (21:37 IST)
നടി അമലപോളിന് തമിഴ് സിനിമയില്‍ അപ്രഖ്യാപിത വിലക്കെന്ന് സൂചന. നിര്‍മ്മാതാക്കളും സംവിധായകരും തങ്ങളുടെ പുതിയ സിനിമകളിലേക്ക് അമലയെ പരിഗണിക്കേണ്ടതില്ല എന്ന തീരുമാനത്തിലാണെന്ന് അറിയുന്നു. എ എല്‍ വിജയുമായി അമല വിവാഹമോചനത്തിന് കേസ് ഫയല്‍ ചെയ്തതിനെ തുടര്‍ന്നാണ് ഈ നടപടിയെന്നാണ് തമിഴ് മാധ്യമങ്ങള്‍ റിപ്പോര്‍ട്ട് ചെയ്തിരിക്കുന്നത്.
എ എല്‍ വിജയുടെ പിതാവ് എ എല്‍ അഴകപ്പന്‍ തമിഴകത്തെ മുതിര്‍ന്ന നിര്‍മ്മാതാവാണ്. അതുകൊണ്ടുതന്നെ അമലയെ ഇനി തങ്ങളുടെ സിനിമകളില്‍ സഹകരിപ്പിച്ചാല്‍ അത് അഴകപ്പന്‍റെ കുടുംബവുമായുള്ള ബന്ധത്തില്‍ വിള്ളല്‍ വീഴ്ത്തുന്നതിന് കാരണമാകുമെന്ന് നിര്‍മ്മാതാക്കള്‍ കരുതുന്നു.
എന്നാല്‍ വെട്രിമാരന്‍ സംവിധാനം ചെയ്യുന്ന ധനുഷ് ചിത്രമായ ‘വട ചെന്നൈ’യില്‍ അമല പോള്‍ തന്നെയായിരിക്കും നായികയെന്നാണ് വിവരം. മൂന്ന് വര്‍ഷത്തെ ഡേറ്റാണ് ഈ സിനിമയ്ക്ക് വേണ്ടി അമല നല്‍കിയിരിക്കുന്നത്.
