മുമ്പ് പലതവണ മാറിയതാണ് പൃഥ്വിരാജ് ചിത്രം ലണ്ടന്‍ ബ്രിഡ്ജിന്‍റെ റിലീസ്. ഒടുവില്‍ ജനുവരി 31ന് റിലീസാകും എന്ന് ഏതാണ്ട് ഉറപ്പാകുകയും ചെയ്തിരുന്നു. ഇതോടനുബന്ധിച്ച് പോസ്റ്ററുകളും പരസ്യങ്ങളും പ്രത്യക്ഷപ്പെട്ടു. ട്രെയിലറുകളും പുറത്തിറങ്ങി.
പുതിയ വിവരം അനുസരിച്ച് വീണ്ടും ലണ്ടന്‍ ബ്രിഡ്ജിന്‍റെ റിലീസ് മാറിയിരിക്കുകയാണ്. വലിയ മാറ്റമൊന്നുമില്ല. ഒരു ദിവസം വൈകി മാത്രമേ ചിത്രം പ്രദര്‍ശനത്തിനെത്തുകയുള്ളൂ.
ചിത്രം സെന്‍സര്‍ ചെയ്തുകിട്ടുന്നതില്‍ ഉണ്ടായ കാലതാമസമാണ് റിലീസ് ഡേറ്റ് ഒരു ദിവസം വൈകാന്‍ കാരണമായതെന്നാണ് അറിയാന്‍ കഴിയുന്നത്.
നിവിന്‍ പോളിയുടെ 1983, മനോജ് കാനയുടെ ചായില്യം എന്നീ സിനിമകള്‍ ജനുവരി 31ന് വെള്ളിയാഴ്ച തന്നെ പ്രദര്‍ശനത്തിനെത്തും. ലണ്ടന്‍ ബ്രിഡ്ജ് ശനിയാഴ്ചയും പടയോട്ടം തുടങ്ങും.
അടുത്ത പേജില്‍ - ലണ്ടന്‍ ബ്രിഡ്ജ്: എക്കാലത്തെയും ചെലവേറിയ പടം!
