തോക്ക് കഴിഞ്ഞു, ഇനി ‘കത്തി’, വിസ്മയിപ്പിക്കാന്‍ വിജയ്!
WEBDUNIA|
PRO
‘തുപ്പാക്കി’ എന്ന മെഗാഹിറ്റിന് ശേഷം എ ആര്‍ മുരുഗദോസ് - വിജയ് ടീം ഒന്നിക്കുന്ന സിനിമയ്ക്ക് ‘കത്തി’ എന്ന് പേരിട്ടു. സാമന്ത നായികയാകുന്ന ഈ സിനിമ പൂര്‍ണമായും ഒരു ആക്ഷന്‍ എന്‍റര്‍ടെയ്നറാണ്.
ഒരു നീറ്റ് കൊമേഴ്സ്യല്‍ എന്‍റര്‍ടെയ്നറായിരിക്കും കത്തി. വളരെ ആവേശം കൊള്ളിക്കുന്ന ഒരു തിരക്കഥ ഈ സിനിമയ്ക്കുണ്ട്. ഒരു വിജയ് ചിത്രത്തിന് ആവശ്യമായ എല്ലാ ഘടകങ്ങളും ഉള്‍പ്പെടുത്തിയിട്ടുണ്ട്. തുപ്പാക്കി ആസ്വദിച്ച പ്രേക്ഷകര്‍ക്ക് കത്തിയും ഒരു വിരുന്നാകും - മുരുഗദോസ് വെളിപ്പെടുത്തി.
കൊല്‍ക്കത്തയാണ് കത്തിയുടെ പ്രധാന ലൊക്കേഷന്‍. എന്നാല്‍ ഇപ്പോള്‍ ചിത്രത്തിന്‍റെ അവസാനരംഗങ്ങള്‍ ഹൈദരാബാദില്‍ ചിത്രീകരിച്ചുവരികയാണ്. ബോളിവുഡ് താരം നീല്‍ നിതിന്‍ മുകേഷാണ് കത്തിയിലെ വില്ലന്‍.
അതേസമയം, തുപ്പാക്കിയുടെ ഹിന്ദി റീമേക്ക് ‘ഹോളിഡേ’ പ്രദര്‍ശനത്തിന് തയ്യാറായിട്ടുണ്ട്. അക്ഷയ്കുമാറാണ് നായകന്‍.
